የወር አበባ የሴቶች ወርሀዊ ኡደት ሲሆን አንድ ሴት የመራቢያ እንቁሎችን ሰውነቷ ማምርት ከሚጀምርበት የእድሜ ክልል ጀምሮ እስከ ማረጥ ወይም ሰውነቷ እንቁላልን ማምረት እስከሚያቆምበት ጊዜ ድረስ በየወሩ የሚመጣ ነው።
ታዲያ ይህ የወር አበባ በየወሩ በሴቶች ላይ በሚከሰትበት ጊዜ ተገቢውን ጥንቃቄ ካልተደረገ ብዙ የጎንዮሽ ጉዳቶች ሊያስከትል እንደሚችል ያውቃሉ።
በዚህ ኡደት ጊዜ ሴቶች ለኢንፌክሽን የመጋለጥ እድላቸው ከፍተኛ ሲሆን፥ ይህ ኢንፌክሽን የሽንት መሽኚያ ቱቦዎችን እንዲሁም መሀፀንን ያጠቃል በጊዜው ተገቢውን ህክምና ካላገኘም ከፍተኛ ህመምን ሊያስከትል ይችላል።
ሰለዚህም በወር አበባ ጊዜ ሊደረጉ የሚገቡ የንጽህና እና ተያያዥ ጥንቃቄዎችን እናካፍላችሁ
1 በየጊዜው መታጠብ
ሴቶች በወር አበባ ጊዜ መታጠብ ወይም ዝናብ ላይ መውጣት የለባቸውም የሚል አባባል እንዳለ ይነገራል፤ እንደ ጤና ባለሙያዎች ገለፃ ግን ይህ ፈፅሞ ከእውነት የራቀ ነው።
የህክምን ባለሙያዎች አንዲት ሴት የወር አበባዋ ላይ በምትሆነበት ጊዜ በየጊዜው መታጠብ እንዲሁም ቢያንስ በቀን አንዴ ገላዋን መታጠብ እንዳለባት ይመክራሉ።
ይህም ሊመጣ የሚችልን መጥፎ ጠረን እንዲሁም የሰውነታችንን ንፅህና ለመጠበቅ ይረዳል፤ ከዚህ በተጨማሪ ሽንት ቤት ተገብቶ በሚወጣት ጊዜ እጅን በሳሙና መታጠብ ይኖርብናል።
2 ትክክለኛውን የልብስ አይነት መምረጥ
አንዳንዶች በወር አበባ ጊዜ ከነጭ ልብስ ውጪ የትኛውንም አይንት ልብስ መልበስ እንደሚቻል ሲናገሩ ይሰማል።
በእርግጥም ነጭ ልብስ በወር አበባ ጊዜ መልበሱ አይመከርም ሆኖም እንደ ጤና ባለሙያዎች በጣም አስፈላጊ የሆነው ጥንቃቄ በጣም ጠባብ እና ሰውነት ላይ የሚጣበቁ ልብሶችን፣ የጨርቃቸው አይነት ሰውነት ላይ እርጥበትን የሚፈጥሩ የልብስ አይነቶችን፣ ሙቀት እና የማሳከክ ስሜት ያላቸውን የልብስ አይንቶችን አለመልበስን ይመከራል።
ከጥጥ ጨርቅ የተሰሩ የውስጥ ፓንቶችን እንዲሁም ሰፊ ልብሶችን መልበስ እርጥበት እንዳይፈጠር ከመርዳቱም ባሻገር ጥሩ ስሜት እንዲኖረን ያደርጋል።
3 በየጊዜው የንፅህና መጠበቂያ ሞዴስን በአግባቡ መቀየር
በየጊዜው የንፅህንና መጠበቂያ ሞዴስን መቀየር ከንፅህና ጉድለት ከሚፈጠር የኢንፌክሽን ችግር ከመጠበቁም ባሻገር በዚህ ምክንያት የሚመጡ በሽታዎችን ማስቀረት ያስችላል።
4 ትክክለኛውን የሞዴስ አይነት መምረጥ
ሞዴሶችን በምንጠቀምበት ጊዜ ትክክለኛውን የመምጠጥ አቅም ያለውን የሞዴስ አይነት እንድንመርጥ ይመከራል።
ጥናቶች እንደሚጠቁሙት የመምጠጥ ባህሪያቸው ዝቅተኛ ያልሆነ ሞዴሶችን መጠቀም ይመከራል።
5 በወር አበባ ጊዜ የሚከሰት ህመምን በተለያዩ መንገዶች ማስወገድ
በወር አበባ መጀመሪያ እና መጨረሻ አካባቢ አንዳንዴ በመሀል ብዙ ሴቶች የሆድ እና የተለያዩ የሰውነት አካላት ህመም ያጋጥማቸዋል።
ይህን ህመም ለማስወገድ ሊወሰዱ የሚችሉ መድሀኒቶች ቢኖሩም በቀላሉ ስፖርታዊ እንቅስቃሴዎችን በማድረግ ህመሙን ማስወገድ ይቻላል።
ምንጭ:- ጤናችን
