✔ የሚወስዱትን የጨው መጠን ይቀንሱ
የደም ግፊት መጠን መጨመርን ለመቆጣጠር ከሚረዱ ሁኔታዎች አንደኛው የሚመገቡትን የጨው መጠን መቀነሱ ነው፡፡ ጨዋማ ምግቦችን የምናዘወትር ከሆነ ለደም ግፊት የምንወስደውንም መድኃኒት ሥራ ሊቀንስ እንደሚችል ጥናቶች ያሳያሉ፡፡
✔ መደበኛ የአካል ብቃት እንቅስቃሴን ያድርጉ
የአካል ብቃት እንቅስቃሴን ማድረግ ለደም ግፊት መጠን መቀነስ ጠቃሚ ነው፡፡ በቀን ቢያንስ 30-40 ደቂቃ በሳምንት ለ4-5 ቀናት የሚሆን እንቅስቃሴን ማድረግ የደም ግፊትን የመቆጣጠሪያ አንደኛው መንገድ ነው፡፡
✔ የአልኮል መጠን ይቀንሱ
በተደጋጋሚ እና በብዛት የአልኮል መጠን መጠቀም ለደም ግፊት መጠን መጨመር ያጋልጣል፡፡ ከዚህም በተጨማሪ ለደም ግፊት መቆጣጠሪያ የምንወስደውን የመድኃኒት ውጤታማነት ይቀንሳል፡፡ ስለዚህም የሚወሰዱትን የአልኮል መጠን መቀነስ ይገባል፡፡
✔ ጭንቀት
ጭንቀት ለደም ግፊት መጠን መጨመር ከፍተኛ ሚና የሚጫወት ሲሆን፣ይህንንም ለመቆጣጠር ራስዎን በማዝናናት ለነገሮች መፍትሔ ለማበጀት በመሞከር ጭንቀትዎን መቀነስ ይችላሉ፡፡
✔ ሲጋራ ማጤስ
ሲጋራን ማጤስ ለልብ እና ለሌሎች የጤና ችግሮች ተጋላጭነት በከፍተኛ ሁኔታ ስለሚጨምርና ማጤስን ማቆም ይመከራል፡፡
ምንጭ:- ዶክተር አለ(Doctor Alle)
