NEWS: በአዲስ አበባ ከተማ በህክምና ስህተት የሚሞቱ ሰዎች ቁጥር በየዓመቱ እየጨመረ መሆኑ ተገለጸ | Medical Errors in Addis Abeba on the Rise

አዲስ አበባ፣ ጳጉሜን 3፣ 2010 (ኤፍ.ቢ.ሲ) በመዲናዋ በህክምና ስህተት ምክንያት በታካሚዎች ላይ የሚደርሰው የሞት እና አካል መጉደል ቁጥሩ በየዓመቱ እየጨመረ መሆኑን የአዲስ አበባ ምግብ መድሀኒት ቁጥጥር እና ጤና ክብካቤ ባለስልጣን አስታወቀ፡፡

ባለስልጣኑ የህክምና ስህተት የተፈፀመባቸውን ተገልጋዮችን አቤቱታ በመቀበልና ማጣራት ወደ ህግ አካል ለመምራት የጤና ባለሙያዎች የተካተቱበት የስነምግባር ኮሚቴ በመጋቢት ወር 2007 አመተ ምህረት ተቋቁሞ ስራውን ሲያከናውን መቆቱን ገልጿል፡፡

በዚህም በ140 በላይ የተገልጋዮች የቀረቡ አቤቱታዎች ወደ ህግ የተመሩ ሲሆን፥ 70ዎቹ የፍርድ ውሳኔ እንዳገኙና ከእነዚህም ውስጥ 65ቱ ከአካል መጉደል እስከ ህይወት መጥፋት የደረሱ ጥፋቶች የተፈጸመባቸው መሆኑ ተረጋግጧል፡፡

በዚህም 3 የህክምና ባለሙያዎች ሙሉ በሙሉ ከህክምና ሙያ እንዲገለሉ ተደርገዋል፡፡

ሌሎች የህክምና ባለሙያዎች ደግሞ በጥፋታቸው ክብደት የህክምና ፈቃዳቸው ለ3 ወር እንዲታገድ መደረጉን ባለስልጣኑ አስታውቋል።

ቀሪዎች የህክምና ባለሙያዎች ደግሞ ብቃት ባላቸው የህክምና ባለሙያዎች ስር ሆነው እንዲሰለጥኑ እየተደረገ ይገኛል ተብሏል፡፡

የህክምና ስህተት ፈጽመዋል የሚል ክስ የቀረበባቸው አምስት የህክምና ባለሙያዎች ደግሞ ጥፋቱን አለመፈጸማቸው በፍርድ በቤት በመረጋገጡ በነጻ መሰናበታቸው ተገልጿል።

በለይኩን አለም: Fana Bc

Advertisement

1 Comment

Comments are closed.