NEWS: የተፈናቀሉ ኢትዮጵያውን አስከፊ ሁኔታ ላይ መሆናቸው ተገለፀ

በደቡብ ኢትዮጵያ የተከሰተውን ግጭት ተከትሎ የተፈናቀሉ በመቶ ሺዎች የሚቆጠሩ ህዝቦች በአሳሳቢ ሁኔታ ጉስቁልና ላይ መሆናቸውን የእርዳታ ድርጅቶች ገልፀዋል።

በተለይም የዝናብ ወቅት ከመሆኑ ጋር ተያይዞ የመንገዶች ምቹ አለመሆን እርዳታ ለሚሹና ከሚሊዮን ለሚልቁ ሰዎች እርዳታ ማድረስን ከባድ እንዳደረገው ገልፀዋል።

በጌዴዮና ምዕራብ ጉጂ ዞን ድንበር አካባቢ የተነሳው ግጭትን ተከትሎ ከስምንት መቶ ሺህ ሰዎች በላይ ተፈናቅለዋል።

የቢቢሲ ጋዜጠኛ በአካባቢው ሄዶ እንደታዘበው ሰዎች በፈታኝ ሁኔታ ላይ መሆናቸውን ፤ ትምህርት ቤቶችና ኮሌጆችም ወደ ጊዜያዊ መጠለያነት ተቀይረዋል።

በኢትዮጵያ ብሔር ተኮር ግጭቶችና ጥቃቶች አሳሳቢ ሆነዋል

“ሥርዓቱ ይሆናል እንጂ አገር አትበታተንም”

በምሥራቅ ኢትዮጵያ ከሃምሳ ሺህ በላይ ሰዎች ተፈናቀሉ

ምግብ ያላገኙ ህፃናት፣ ነፍሰጡር ሴቶችና በእድሜ የገፉ ሰዎች ዝናብ በሚያስገባ ጣራ ስርና በጠባብ ቤት ታጉረው እንደሚገኙም ተመልክቷል።

በብዙ ሺዎች የሚቆጠሩ ኢትዮጵያውያን በመጋቢት ወር በተነሳው ግጭት ህይወታቸውን አጥተዋል።

የተፈናቀሉ ኢትዮጵያውያን በተጎሳቆለ ሁኔታ መሆናቸው ተገለፀ

ጠቅላይ ሚኒስትር ዐብይ አህመድ ግጭቶቹን አውግዘው ግጭቶቹን ያነሳሱና የተሳተፉ አካላትን ወደ ፍትህ እንደሚያቀርቡ ቃል ገብተው የነበረ ሲሆን በዚህ ሳምንት በደቡብ እንዲሁም በኦሮሚያ ክልል በግጭቶች ከመሳተፍ ጋር በተያያዘ ስምንት መቶ ሰዎች በቁጥጥር ስር መዋላቸው በሳምንቱ መጀመሪያ ላይ ተገልጿል።

በዚህ ዓመት በብሔር ግጭትና ከተፈጥሮ አደጋ ጋር በተያያዘ ከሁለት ሚሊዮን ህዝብ በላይ መፈናቀሉ ተገልጿል።

ምንጭ: ቢቢሲ

Advertisement

1 Comment

Comments are closed.