NEWS: አርሴን ቬንገር በላይቤሪያ የጀግና አቀባበል ተደረገላቸው

የአርሰናል የቀድሞ አሰልጣኝ አርሴን ቬንገር በላይቤሪያ ታሪክ ከፍተኛ ነው የተባለው ሽልማት ዛሬ ይበረከትላቸዋል።

ቬንገር የላይቤሪያው ፕሬዚዳንትና የቀድሞው እግር ኳስ ተጫዋች ጆርጅ ዊሃ የአውሮፓን ምድር በረገጠበት ወቅት የመጀመሪያ አሰልጣኙ ነበሩ።

በአውሮፓውያኑ 1988 ወደ ሞናኮ ወስደዋቸው ነበር።

በወቅቱ ፕሬዚዳንት ጆርጅ ዊሃ በአለም አቀፉ እግር ኳስ ፌደሬሽን (FIFA) የሚሰጠውን የአመቱን ምርጥ ተጨዋች ሽልማት ‘ቦሎን ዶር’ የተቀበሉ ብቸኛ አፍሪካዊ ነበሩ።

ይሁን እንጂ በአውሮፓውያኑ 2003 ከእግር ኳሱ በጡረታ ተገለው ወደ ፖለቲካው ዓለም ተቀላቅለዋል።

• አቶ ጌታቸው አሰፋ የት ናቸው? የእስር ትዕዛዝ ወጥቶባቸዋል?

• የቢቢሲ የዓመቱ አፍሪካዊ እግርኳስ ተጫዋች እንዴት ይመረጣል?

ላይቤራዊያን የአርሴን ቬንገርን ፎቶግራፍ በማህበራዊ ሚዲያዎች በመጋራት እንኳን ደህና መጡ ብለዋቸዋል።

በላይቤሪያ የሚገኙ የአርሰናል ክለብ ደጋፊዎችም ለቬንገር ደማቅ የአቀባበል ስነ ስርዓት አድርገውላቸዋል።

• ፍኖተ ካርታው ወደ ቀድሞ የትምህርት ፖሊሲ ሊመልሰን ይሆን ?

የአገሪቱ አንደኛው ሚኒስትር ኢጌኔ ናግቤ “ቬንገር ወደ ላይቤሪያ ግብዣ የተደረገላቸው ያደረጉትን ጉልህ አስተዋፅኦ በማስመልከት ሲሆን ከፍተኛ ማዕረግ ያለውን ሽልማትም ለማበርከት ነው ብለዋል።

እርሳቸው ይህን ይበሉ እንጂ የቬንገር ለሽልማት መታጨት አነጋጋሪ ጉዳይ ሆኗል።

“ሽልማቱ ለፕሬዚዳንቱ በግል ለዋሉላቸው ውለታ የሚከፈል በመሆኑ ለአንድ ግለሰብ ሽልማቱ መሰጠት የለበትም” ሲሉ ለቬንገር ሽልማት መበርከቱን የተቃወሙም አሉ።

ምንጭ: ቢቢሲ

Advertisement

1 Comment

Comments are closed.