NEWS: ቻይና አሜሪካ በምርቶቿ ላይ ለጣለችው አዲስ ቀረጥ የአጸፋ ምላሽ ለመስጠት መዘጋጀቷን ገለጸች

ቻይና አሜሪካ በምርቶቿ ላይ ለጣለችው አዲስ ቀረጥ የአጸፋ ምላሽ ለመስጠት መዘጋጀቷን ገልጻለች።

ዋሽንግተን ለ2ኛ ጊዜ በቻይና ምርቶች ላይ ተጨማሪ ቀረጥ መጣሏን ይፋ ካደረገች በኋላ የቻይናው የንግድ ሚኒስትር ቤጅንግ የአጸፋ ምላሽ እንድመትወስድ ማስጠንቀቃቸው ተገልጿል።

በዚህም ለተጨማሪው የአሜሪካ ቀረጥ ቻይና በበኩሏ 16 ቢሊየን ዶላር ዋጋ ያለው ቀረጥ በአሜሪካ ምርቶች ላይ መጣሏ ነው የተገለጸው።

ከሁለቱም ሀገራት የሚወጡ 50 ቢሊየን ዶላር ዋጋ ያላቸው ምርቶች ሀገራቱ ለ2ኛ ጊዜ በጣሉት ቀረጥ ስር እንደሚያለፉ ታውቋል።

ለ2ኛ ጊዜ በቻይና ምርቶች ላይ የተጣለው ቀረጥ በአሜሪካ የንግድ ተወካዮች፣ ኩባንያዎችና የኢንዱስትሪዎች በኩልም ውዝግብ አስነስቷል ተብሏል።

አዲሱ ቀረጥ በአሜሪካ ኩባንያዎች ላይ ተጽህኖ የሚያሳድር መሆኑ የተገለጸ ሲሆን፥ ኩባንያዎች በተጠቃሚዎቸ ላይ የዋጋ ጭማሪ ሳያደረጉ 2ኛውን ቀረጥ መቋቋም እንደማይችሉ ማስታወቃቸውን ነው ዘገባው የሚያመላክተው።

ቻይና አሜሪካ በምርቶቼ ላይ አግባብነት የሌለው ቀረጥ በመጣል የዓለም አቀፉን የንግድ ህግ ጥሳለች በሚል የመጀመሪያዋን ቅሬታዋን በፈረንጆቹ ሃምሌ፣ 2018 ለዓለም አቀፉ የንግድ ድርጅት ማስገባቷን ዘገባው አስቷውሷል።

ዋሽንግተን ለ2ኛ ጊዜ በቤጂንግ ምርቶች ላይ የጣለችውን የ16 ቢሊየን ዶላር ቀረጥ ተከትሎም ቻይና ለ2ኛ ጊዜ ቅሬታታዋን ለዓለም አቀፉ የንግድ ድርጅት የማቅረብ ሃሳብ አንዳላትም ነው የተገለጸው።

አሜሪካ በቀጣይም በቻይና ምርቶች ላይ ተጨማሪ ቀረጥ ልትጥል እንደምትችል የተገለጸ ሲሆን፥ የቻይና ኩባንያዎችና ተጠቃሚዎች ላይ ጫና ያሳድራል ተብሎ ተሰግቷል።

ምንጭ፦ ቢቢሲ

Advertisement

1 Comment

Comments are closed.