Fire in Addis Abeba Destroys Property Worth 500K Birr | በአዲስ አበባ ከተማ በደረሰ የእሳት አደጋ ከ500 ሺህ ብር በላይ የሚገመት ንብረት ወደመ

አዲስ አበባ ፣ ነሐሴ 15 ፣ 2010

በአዲስ አበባ ከተማ በአንድ ድርጅትና መኖሪያ ቤት ላይ በደረሰ የእሳት አደጋ 550 ሺህ ብር የሚገመት ንብረት መውደሙ ተገለፀ።

የአዲስ አበባ ከተማ እሳትና ድንገተኛ አደጋዎች መከላከል እና መቆጣጠር ባለስልጣን የኮሙዩኒኬሽን ጉዳዮች የህዝብ ግንኙነት ባለሙያ አቶ ስለሺ ተስፋዬ ለፋና ብሮድካስቲንግ ኮርፖሬት እንደተናገሩት፥ ከአደጋው በ11 ሚሊየን ብር የሚገመት ንብረት ማዳን ተችሏል።

አቶ ስለሺ ተስፋዬ እንደተናገሩት፥ የእሳት አደጋው በአራዳ ክፍለ ከተማ የሚገኝ ድርጅት እና በልደታ ክፍለ ከተማ የሚገኝ መኖሪያ በት ላይ ነው የደረሰው።

በአራዳ ክፍለ ከተማ ወረዳ 03 በተለምዶ አቤት ሆስፒታል ተብሎ በሚጠራ አካባቢ በአንድ የሶፋ ማምረቻ ድርጅት ላይ በደረሰው የእሳት አደጋ 50 ሺህ ብር የሚገኘት ንብረት መውደሙን አስታውቀዋል።

የባለስልጣኑ የአደጋ ጊዜ ሰራተኞች እሳቱን ለማጥፋት ባደረጉት ርብርብም በ2 ሚሊየን ብር የሚገመት ንብረት ማትረፍ መቻላቸውንም አቶ ስለሺ ተናግረዋል።

በሌላ ዜና በልደታ ክፍለ ከተማ ወረዳ 08 ልዩ ስሙ ልደታ ኮንዶሚኒየም ተብሎ በሚጠራው አካባቢ በሚገኝ መኖሪያ ቤት ላይ ዛሬ ከረፋዱ 4 ሰዓት ከ45 ደቂቃ ገደማ በደረሰ የእሳት አደጋ በ500 ብር የሚገመት ንብረት መውደሙንም ተናግረዋል።

የባለስልጣኑ የአደጋ ጊዜ ሰራተኞች እሳቱን ለማጥፋት በሰሩት ስራም 10 ሚሊየን ብር የሚገመት ንብረት መትረፍ ከእሳት ማዳን መቻሉን ነው አቶ ስለሺ ያስታወቁት።

የአደጋው መንስኤ እስካሁን አልታወቀም ያሉት አቶ ስለሺ፥ መንስኤው እየተጣራ መሆኑንም ገልፀዋል።

በታሪክ አዱኛ FanaBc

Advertisement

2 Comments

  1. I simply want to tell you that I am just very new to weblog and truly liked your web page. More than likely I’m going to bookmark your blog post . You certainly have amazing posts. With thanks for sharing your website page.

Comments are closed.