NEWS: ONLF Announces Ceasefire | ኦብነግ የተኩስ አቁም ማወጁን አስታወቀ

የኦጋዴን ብሄራዊ ነፃ አውጪ ግንባር (ኦብነግ) ከዛሬ ጀምሮ የተናጠል የተኩስ አቁም ማድረጉን አስታወቀ።

ግንባሩ በዛሬው እለት ባወጣው መግለጫው የተናጥል የተኩስ ማቆም ውሳኔ ላይ የደረሰውም የኢፌዴሪ ጠቅላይ ሚኒስትር ዶክተር አብይ አህመድ ያቀረቡትን ጥሪ ተከትሎ እንደሆነም አስታውቋል።

በኦጋዴን ያለውን ግጭት በውይይት እና ሰላማዊ በሆነ መልኩ ለመፍታት ከኢትዮጵያ መንግስት ጋር የጀመራቸውን መልካም እርምጃዎች እንደሚቀበልም ኦብነግ ገልጿል።

ከዛሬ ጀምሮ በሆነው የተኩስ አቁም መሰረት ከዛሬ ጀምሮ በኢትዮጵያ መንግስት ጦር ላይ የሚካሄድ ማንኛውም አይነት የደህንነት እና ወታደራዊ ዘመቻዎ ሙሉ በሙሉ መቆሙን ነው ግንባሩ የገለፀው።

የኢትዮጵያ መንግስትም የተጀመረው የሰላም ሂደት ግቡን እስኪመታ በግንባሩ ላይ ላይ የሚካሄዱ ወታደራዊ ይሁን ሌሎች እርምጃዎችን እንዲያቆምም ጥሪውን አቅርቧል።

የኢፌዴሪ የህዝብ ተወካዮች ምክር ቤት ሰኔ 28 2010 ዓ.ም ባካሄደው ስብሰባው የኦጋዴን ብሄራዊ ነፃ አውጪ ግንባር (ኦብነግ) የሽብርተኝነት ፍረጃን ማንሳቱ ይታወሳል።

የህዝብ ተወካዮች ምክር ቤት በ2003 ዓ.ም ነበር ኦነግ፣ ኦብነግና ግንቦት 7 እንዲሁም ከሀገር ውጪ አልቃይዳና አልሸባብን ጨምሮ አሸባሪ ድርጅቶች ብሎ የፈረጀው።

ምንጭ: ኤፍ ቢ ሲ(FBC)

 

Advertisement

1 Comment

Comments are closed.