NEWS: ስራ ፈላጊዎችና ቀጣሪዎችን የሚያገናኝ የመጀመሪያው አውደ ርዕይ ተከፈተ

በትዕግስት አብርሃም

በዘንድሮ ዓመት የተመረቁ ተማሪዎችን እና ቀጣሪዎችን የሚያገናኝ የመጀመሪያው አውደ ርዕይ በዛሬው ዕለት በሚሊኒየም አዳራሽ ተከፈተ።

በአውደ ርዕይ መክፈቻ የተገኙት የትምህርት ሚኒስትሩ ዶክተር ጥላየ ጌቴ፥ አውደ ርዕዩ ተመራቂዎች ተወዳዳሪና ብቁ ሆነው ወደ ስራ አለም እንዲቀላቀሉ የሚያስችል ነው ብለዋል።

ሚኒስትሩ በቀጣይ ጊዜያት ሌሎች ቀጣሪ ተቋማት በብዛት እንዲሳተፉም ጥሪ አቅርበዋል።

እንዲሁም ስራ ፈላጊዎች በቀላሉ ስራ ማግኘት እንዲቸሉና የስራ አጥ ቁጥሩን ለመቀነስ የሚያስችል መሆኑን ተናግረዋል።

ስራ ፈላጊዎችና ቀጣሪዎችን የሚያገናኘው ይህ አውደ ርዕይ ተመራቂዎች በአንድ ቦታ ላይ በርካታ ተቋማትን እንዲያገኙ ይረዳል ተብሏል።

ተመራቂዎች እራሳቸውን እንዴት መግለፅ ማብራሪያ መስጠት እንደሚችሉ በአውደ ርዕይ በስልጠና መልክ ይሰጣል ተብሏል።

በአውደ ርዕይው ከ30 ሺህ በላይ ተመራቂዎችና ከ200 በላይ ቀጣሪ ድርጅት በመሳተፍ ላይ እንደሚገኙ ንው የተነገረው።

በዚህም ኤም ብር የተባለ ተቋም 2 ሺህ ምሩቃንን እንደሚወስድ የተገለፀ ሲሆን፥ ከዚህ ውጭ ለ100 ምሩቃን የስራ እድል እንደተፈጠረም ታውቋል።

በዛሬው ዕለት የተጀመረው ይህ የአውደ ርዕይ በነገው እለት አራት ፁህፎች ቀርበውበት እንደሚጠናቀቅ ይጠበቃል።

ምንጭ: ኤፍ ቢ ሲ(FBC)

 

Advertisement

1 Comment

Comments are closed.