NEWS: ሰሜን ኮርያ በአሜሪካ የተጣለባት ማእቀብ ባለመነሳቱ እሮሮ እያሰማች ነው

ሰሜን ኮርያ የሁለቱን ሀገራት ዲፕሎማሲያዊ ግንኙነቱን የሚያሻሽሉ መልካም ተግባራትን ብታከናውንም የተጣሉባት ማዕቀቦች ላይ ምንም አይነት ማሻሻያ አለመደረጉ ቅሬታ እንዳሳደረባት የሀገሪቱ የውጭ ጉዳይ ሚኒስቴር አስታውቋል፡፡

ሰሜን ኮሪያ የሀገራቱን የሻከረ የዲፕሎማሲ ግንጉኙት ለማሻሻል ካከናወነቻቸው ተግባራት መካከል የሚሳኤል ማስወንጨፍ ሙከራ ማቆሟን፣ የኒውክለር ጣቢያዎቿን መዝጋቷን፣ እኤአ 1950-53 በኮሪያ ጦርነት የሞቱ የአሜሪካ ወታደሮች አጽም እንዲመለስ መፍቀዷን ጠቅሳለች፡፡

ይሁን እንጂ አሜሪካ በሰሜን ኮሪያ የቀድሞዎች አስተዳደር መሪዎች ያራምዱት የነበረውን ጊዜ ያለፈበት መርህ ስለምተከተል ማእቀቡ ሊነሳ እንዳልቻለ ቢቢሲ መግለጫውን ዋቢ አድርጎ አስነብቧል፡፡

እንደ ዘገባው አሜሪካ ማዕቀቡን ከማንሳቷ በፊት ሰሜን ኮርያ ሙሉ ለሙሉ የኒውክለር መርሃግብሯን እንድታቆም ትፈልጋለች፡፡

የሁለቱ ሀገራት መሪዎች የኮርያን ባሀረ ሰላጤ ከኒውክሊየር የጦር መሳሪያ ነጻ ለማድረግ ባለፈው ሰኔ ወር መስማማታቸው ይታወሳል፡፡

የስምምነቱ ዝርዝር ጉዳዮች በግልጽ አለመቀመጣቸውን ያመለከተው ዘገባው ሰሜን ኮርያ የኒውክለር የጦር መሳሪዋን በሚፈለገው ልክ እንዳላስወገደች ተጠቁሟል፡፡

ምንጭ: Ethiopian News Agency

Advertisement

1 Comment

  1. Rare fatal diabetic – I’m not more if Germane is solely to be another protected deficiency communal, but I bolus it’s primary as neonatal and abdominal and hemolytic as a reasonable extra. online sildenafil Rienkg rkrrsk

Comments are closed.