NEWS: በኢትዮጵያ ንግድ ባንክ በየእለቱ እስከ 6 ሚሊየን ዶላር የሚጠጋ የውጭ ምንዛሬ እየተመነዘረ ነው

በይስማው አደራው

የዶላር ምንዛሬ ከዚህ በፊት ከነበረው ምንዛሬ ጋር ሲነጻጸር በከፍተኛ ሁኔታ መጨመሩን የኢትዮጵያ ንግድ ባንክ ገለጸ።

ባንኩ ጠቅላይ ሚኒስትር ዶክተር አቢይ አህመድ ግለሰቦች የያዙትን የውጭ ሀገር ገንዘብ በባንክ እንዲመነዝሩ መልእክት ማስተላለፋቸውን ተከትሎ የመጣ ከፍተኛ የምንዛሬ ለውጥ መሆኑን ተናግሯል።

በአሁኑ ወቅትም ሰዎች በተለያዩ የባንኩ ቅርንጫፎች በመገኘት የሚመነዝሩት እለታዊ የውጭ ምንዛሬ መጠን ከ4 ሚሊየን እስከ 6 ሚሊየን የአሜሪካ ዶላር እንደሆነ ነው ያስታወቀው።

ባሉት ሁሉም ቅርንጫፎች የውጭ ሀገር የገንዘብ ምንዛሬ መጨመሩ የተላለፈው መልእክት ውጤታማ እየሆነ መምጣቱን ያመለክታል ብሏል ባንኩ።

ይህ ከፍተኛ የሆነ የዶላር ምንዛሬ መጠን መጨመሩም አስደሳች እንደሆነ እና ሊበረታታ እንደሚገባም ተገልጿል።

ከዚህ ባለፈም ባንኩ ይህንን ጥሩ ተሞክሮ ለማስቀጠል ህብረተሰቡ በእጁ የያዘውን ዶላር በባንኩ በመመንዘር ሀገራዊ ሀላፊነቱን እንዲወጣ ነው ጥሪ ያስተላለፈው።

ምንጭ: ኤፍ ቢ ሲ(FBC)

 

Advertisement

1 Comment

Comments are closed.