NEWS: አቶ ሽፈራው ሽጉጤ ከደኢህዴን ሊቀመንበርነት በገዛ ፈቃዳቸው ለቀቁ

በበላይ ተስፋዬ

አቶ ሽፈራው ሽጉጤ ከደቡብ ኢትዮጵያ ህዝቦች ዴሞክራሲያዊ ንቅናቄ (ደኢህዴን) ሊቀ መንበርነት በገዛ ፈቃዳቸው ለቀቁ።

አቶ ሽፈራው የድርጅቱ ማዕከላዊ ኮሚቴ እያካሄደ ባለው አስቸኳይ ስብሰባ የመልቀቂያ ጥያቄያቸውን አቅርበው ተቀባይነት ማግኘቱን አስታውቀዋል።

በዚህም ከድርጅቱ ሊቀ መንበርነትና ስራ አስፈጻሚነት የሚለቁ ይሆናል።

አቶ ሽፈራው ከድርጅቱ ሊቀ መንበርነት በመነሳት የድርጅቱ ማዕከላዊ ኮሚቴ አባል ሆነው እንደሚቀጥሉም ተናግረዋል።

የድርጅቱ ቀጣይ ሊቀ መንበር ጉዳይም እየተካሄደ ባለው አስቸኳይ ስብሰባ አልያም ከመጭው የኢህአዴግ ጠቅላላ ጉባኤ በፊት ምላሽ እንደሚያገኝም ነው የተናገሩት።

አቶ ሽፈራው የድርጅቱ ሊቀ መንበርና ምክትል ሊቀ መንበር መቀመጫቸውን አዲስ አበባ በመሆኑና በተደረገ ውይይት ወደ ክልሉ ተመልሰው እንዲመሩ በመጠየቃቸውና፥ እርሳቸው በክልልና በፌደራል ደረጃ በርካታ አመታትን በስራ ሃላፊነት እያገለገሉ በመሆናቸው።

ከዚህ ባለፈም አሁን ላይ በሃገሪቱ እየተካሄደ ያለውን መሰረታዊ የለውጥ ሂደት በመደገፍና፥ ለውጡን የሚመራ አዲስ አመራር የሚያስፈልግ በመሆኑ ለውጡ በአዲስ አመራር እንዲቀጥል መፈለጋቸውን ጠቅሰዋል።

በተጨማሪም በክልሉ የተለያዩ አካባቢዎች የተፈጠሩ ግጭቶች ከአስተዳደራዊ መዋቅር አልፎ ወደ ህዝብ በመግባቱና መፍትሄ የሚያስፈልገው በመሆኑ፥ እንዲሁም ይህ ችግር በእርሳቸው የአመራርነት ዘመን በመፈጠሩ ከዚህ በኋላ በሊቀ መንበርነት የመቀጠል ፍላጎት እንደሌላቸውም ገልጸዋል።

አመራር በመቀየር ብቻ ለውጥ አይመጣም ያሉት አቶ ሽፈራው የማይነኩ የተባሉ ጥያቄዎችን መልስ በመስጠት ችግሮችን መፍታት ይገባልም ብለዋል።

በዚህም በአዲስ ጉልበት የሚመጣው አመራር ስራዎቹን እንዲያከናውን ከሃላፊነት ለመልቀቅ መወሰናቸውንም አስታውቀዋል።

በጠቅላይ ሚኒስቴር ፅህፈት ቤት እየተካሄደ ባለው የድርጅቱ ማዕከላዊ ኮሚቴ አስቸኳይ ስብሰባ፥ በክልሉ የተለያዩ አካባቢዎች የተፈጠሩ ግጭቶችን በመፍታት አካባቢዎቹን ወደ ቀድሞ ሁኔታ መመለስ በሚቻልበት አግባብ ላይ እየመከረ ነው።

ምንጭ: ኤፍ ቢ ሲ(FBC)

 

Advertisement

2 Comments

  1. student personal loans [url=https://personalloans02.com]https://personalloans02.com[/url] lowest interest rate personal loans.
    casino games free play online [url=https://onlinecasinonodeposit002.com]https://onlinecasinonodeposit002.com[/url] free online casino.

Comments are closed.