NEWS: አሜሪካ ከዓለም ሰብዓዊ መብት ምክር ቤት ራሷን አገለለች

“ፖለቲካው ኢ-ፍትሃዊነት የሚታይበት ቆሻሻ ሥፍራ” በሚል ነው ዩናይትድ ስቴትስ ከተበባሩት መንግሥታት የሰብዓዊ መብት ምክር ቤት ራሷን ማግለሏን ያስታወቀችው።

በተባበሩት መንግሥታት የአሜሪካ ተወካይ የሆኑት ኒኪ ሄሊ ምክር ቤቱ “ራሱን ለማግልገል የተነሳ እንዲሁም በሰብዓዊ መብት ላይ የሚያፌዝ” ሲሉ ወርፈውታል።

ተወካይዋ ባለፈው ዓመት “ምክር ቤቱ ፀረ-እስራኤል የሆኑ ድምፆች ይስተዋሉበታል” በማለት ወቀሳ መሰንዘራቸው የሚዘነጋ አይደለም።

መቀመጫውን ጄኔቫ በማድረግ በአውሮፓውያኑ 2006 የተመሠረተው ምክር ቤቱ የሰብዓዊ መብት ጥሰት የሚያከናውኑ ሃገራትን አካቷል በሚል ትችት ሲያስተናግድ ቆይቷል።

የመብት ተሟጋቾች የአሜሪካ ከምክር ቤቱ ራሷን ማግለል በዓለም ዙሪያ ለሚስተዋሉ የሰብዓዊ መብት ጥሰቶች መጠናከር ምክንያት ይሆናል የሚል ስጋት አለባቸው።

ተወካይዋ አሜሪካ ከምክር ቤቱ ራሷን እንደምታገል ባሳወቁበት ወቅት አብረዋት የነበሩት የውጭ ጉዳይ ሚኒስትሩ ማይክ ፖምፔዮ ምክር ቤቱን “ስንፍና የተጫነው መብት ጠባቂ” ሲሉ ወጋ አድርገውታል።

የተባበሩት መንግሥታት ዋና ፀኃፊ አንቶኒዮ ጉቴሬዝ በቃል አቀባያቸው አማካይነት በሰጡት መግለጫ “አሜሪካ ከምክር ቤቱ ራሷን ባታለገል እመርጥ ነበር” ብለዋል።

የሰብዓዊ መብት ኮሚሽን የበላይ ኃላፊ የሆኑት ዘይድ ራአድ አል-ሁሴን “የአሜሬካ ራሷን ማግለል ዜና አስደናቂ ከመሆኑም በላይ አናዳጅም ነው” ሲሉ ድምፃቸውን አሰምተዋል።

የእስራኤሉ ፕሬዝደንት ቤኒያሚን ኔታኒያሁ በበኩላቸው የአሜሪካ ውሳኔ ወቅቱን የጠበቀና ትክክለኛ ነው ሲሉ በኦፊሴላዊ ትዊተር ገፃቸው ፅፈዋል።

ሃገረ አሜሪካ ራሷን ከምክር ቤቱ ራሷን ያገለለችው በስደተኞች ፖሊሲ ምክንያት ከአራቱም ማዕዘናት ወቀሳ እየተሰነዘረባት ባለበት ወቅት ነው።

ምንጭ: ቢቢሲ

Advertisement

1 Comment

Comments are closed.