NEWS: Trump threatens China with $200bn of new tariffs – ፕሬዚዳንት ትራምፕ ቻይና ላይ ተጨማሪ የ200 ቢሊየን ዶላር ቀረጥ ሊጥሉ እንደሚችሉ ገለፁ

የአሜሪካው ፕሬዚዳንት ዶናልድ ትራምፕ ቻይና ላይ ተጨማሪ የ200 ቢሊየን የአሜሪካ ዶላር ቀረጥ ሊጥሉ እንደሚችሉ አስታውቀዋል።

ፕሬዚዳንቱ ቻይና በንግዱ ውስጥ የምታከናውናቸውን ፍትሃዊ ያልሆኑ ተግባራት የማትቀይር ከሆነ ተጨማሪ የ10 በመቶ ቀረጡ ተፈፃሚ እንደሚሆንባትም ገልፀዋል።

የፕሬዚዳንቱ ውሳኔ አሜሪካ እና ቻይና በንግድ በኩል የገቡትን እሰጣ ገባ የባሰ ከፍ እንደሚያደርገው እና ወደ ንግድ ጦርነት ሊያስገባቸው ይችላል በሚልም ተሰግቷል።

ቻይና የፕሬዚዳንት ትራምፕን ዛቻ ተከትሎም ውሳኔው ተገቢ አለመሆኑን እና አሜሪካ ታሪፉን ከጨመረች ቻይናም ተመጣጣኝ የሆነ ታሪፍ ለመጣል እንደምትገደድ አስታውቃለች።

ፕሬዚዳንት ዶናልድ ትራምፕ፥ ቻይና ከአሜሪካ ጋር ባላት የንግድ ምጣኔ ክፍተት አማካኝነት ፍትሃዊ ባልሆነ መንገድ ስታተርፍ ነበር ብለዋል።

ባሳለፍነው ሳምንትም 50 ቢሊየን የአሜሪካ ዶላር የሚያወጡ የቻይና ምርቶች ላይ እስከ 25 በመቶ ቀረጥ እንደሚጥሉ ማስታወቃቸው ይታወሳል።

ቤጂንግ በበኩሏም የግብርና፣ የተሽከርካሪ እና የባህር ሀይል ምርቶችን ጨምሮ 50 ቢሊየን ዶላር የሚያወጡ 659 የአሜሪካ ምርቶች ላይ ተመሳሳይ ቀረጥ እጥላለው በሚል መልስ መስጠቷም አይዘነጋም።

ምንጭ: ኤፍ ቢ ሲ(FBC)

Advertisement

1 Comment

Comments are closed.