NEWS: USA Defends Removing Asylum Protections for Domestic Violence Victims | አሜሪካ ከጥገኝነት ጋር በተያያዘ ዐብይ ውሳኔ አሳለፈች

የአሜሪካው ጠቅላይ አቃቤ ሕግ በቤት ውስጥ ጥቃት የተፈፀመባቸውና የቡድን ጥቃት ደርሶብናል ማለት በአሜሪካ ጥገኝነት ለመጠየቅ ብቁ አለመሆኑን የሚያትት ጉልህ ውሳኔን አስተላልፈዋል።

ጠቅላይ ዐቃቤ ሕጉ ጄፍ ሴሽንስ ያስተላለፉት ውሳኔ በ2014 በገዛ ባሌ የመደፈር ጥቃት ደርሶብኛል በማለት በአሜሪካ ምድር የጥገኝነት ጥያቄ ያረበችውን ኢል ሳልቫዶራዊት ሴት የከለላ ይሰጠኝ ጥያቄ ውሳኔ የሚቀለብስ ነው።

በአሜሪካ የቤት ውስጥ አልያም የቡድን ጥቃት ደርሶብኛል በሚል ብቻ ጥገኝነት መጠየቅ ወዲያዉኑ ከለላን የሚያስገኝ ጉዳይ መሆን የለበትም ያሉት ዐቃቤ ሕጉ፤ መንግሥታት በአገራቸው የሚፈጸም ወንጀልን ማስቆም አልቻሉም ማለት የአሜሪካ ፍርድ ቤት ለዚያች አገር አመልካቾች ሁሉ የከለላ ጥያቄ አዎንታዊ ምላሽ እንዲሰጥ የሚስገደድው አይሆንም ሲሉ በጻፉት የፍርድ ውሳኔ ሐተታ ላይ አብራርተዋል።

የሰብዓው መብት ተሟጋቾች በበኩላቸው እርምጃው በአስር ሺዎች የሚቆጠሩ ከለላ ፈላጊዎች ላይ አሉታዊ ተፅዕኖ ያሳድራል ሲሉ የአቃቢ ሕጉን አዲስ ውሳኔ ተችተውታል።

“አገራቱ እንደዚህ ዓይነት ወንጀሎችን የፈፀሙ ሰዎችን ለመቅጣት የሕግ ክፍትት ሊኖርባቸው ይችላል፤ ነገር ግን ብቻውን ጥገኝነት ለመጠየቅ በቂ ምክንያት አይደለም ሲሉ ተናግረዋል።

ሴትየዋ ተደረሰባት ጥቃት ግለሰባዊ የወንጀል ድርጊት እንጂ አገራዊ አይደለም ሲል ለሴትየዋ የተመለሰው መልስ አግባብ አልነበረም ሲሉ በፍርድ ውሳኔያቸው ላይ ጠቅሰዋል።

ምንም እንኳን በዓለም ላይ የሚኖሩ ሰዎች በየቀኑ የሚያጋጥሟቸው ብርቱ ችግሮች ቢኖሩም ጥገኝነት መጠየቅ ለእነዚህ ሁሉ ችግሮች መፍትሔ አይደለም ሲሉ ጨምረው ተናግረዋል።

ይህ የጠቅላይ አቃቢ ሕጉ ዋነኛ ውሳኔ ከዚህ ቀደም በታችኛው ፍርድ ቤት በገዛ ባሏ የመደፈር ጥቃት ደርሶባት የነበረችውንና ይህንኑ ተከትሎ ጥገኝነት አግኝታ የነበረችውን የኤልሳል ቫዶር ሴት ውሳኔ የሚቀለብስ ነው።

ይህ ውሳኔ ምን ያህል የጥገኝነት አመልካቾ ላይ ተጽእኖ ይኖረዋል የሚለው በግልጽ ባይታወቅም የመብት ተሟጋቾች ግን ቢያንስ በየዓመቱ 10ሺህ ስደተኞች የቤት ውስጥና የቡድን ጥቃትን እንደ ዋና ምክንያት በማቅረብ ጥገኝነት ያገኙ እንደነበር ገልጸዋል።

ምንጭ: ቢቢሲ

Advertisement

1 Comment

Comments are closed.