NEWS: በአሜሪካ በደረሰ የባቡር አደጋ በትንሹ 3 ሰዎች ህይወት ማለፉ ተነገረ – At Least Three People died in US Train Crush in Washington State

                                 

በአሜሪካ በደረሰ የባቡር አደጋ በትንሹ 3 ሰዎች ሲሞቱ በርካታ መቁሰላቸው ተነገረ።

የአሜሪካ ባለስልጣናት እንዳስታወቁት፥ የመንገደኞች የባቡር አደጋው ትናንት ምሽት በዋሽንግተን ግዛት ውስጥ ነው የደረሰው።

በዚህም 72 ሰዎች ወደ ሆስፒታል የተወሰዱ ሲሆን፥ ከነዚህም በርካታዎቹ ከፍተኛ ጉዳት ደርሶባቸዋል።

የአካባቢው ባለስልጣናት እንዳሉት ሁሉም የባቡሩ ፉርጎዎች ላይ የፍለጋ ስራ እየተደረገ ሲሆን፥ የሟች ሰዎች ቁጥር ሊጨምር ይችላል። 

የባቡሩ ፉርጎዎች ሀዲዱን ለቀው መውደቃቸውን ተከትሎ ሁለት የጨንተ ተሽከርካሪዎችን ጨምሮ ሰባት መኪናወች ተገጭተዋል። 

በዚህም በተሽከርካሪዎች ውስጥ የነበሩ ብዙ ሰዎች ጉዳት ቢደርስባቸውም የሞት አደጋ ግን አልደረሰባቸውም ነው የተባለው።

ባቡሩ ከሲያትል ተነስቶ በስተደቡብ ወደ ፖርትላንድ እየተጓዘ የነበረ ሲሆን፥ የሀዲድ አቅጣጫ የመሳት አደጋ የተከሰተው ከትካማ ደቡባዊ ክፍል በፊት ነበር ተብሏል።

ባለስልጣናቱ አስቀድመው በአደጋው ቢያንስ ስድስት ሰዎች ሞተዋል የሚል መረጃ ለአሶሺተድ ፕሬስ ተናግረው ነበር።

በባቡሩ ውስጥ 77 ተሳፋሪዎች እና ሰባት የባቡሩ ሰራተኞች እንዲሁም የባቡር ቴክኒሽያንን ጨምሮ 86 ሰዎች እንደነበሩ ተገልጿል።

የአደጋው መንስኤ ምን እንደሆነ እስካሁን አልታወቀም።

ምንጭ: ቢቢሲ

Advertisement