NEWS: የግብፅ አየር ሃይል በአሸባሪዎች ላይ የአፀፋ እርምጃ መውሰድ ጀመረ – Egypt attack: President Sisi Pledges Forceful Response

                                                          

የግብፅ አየር ሃይል በአሸባሪዎች ላይ የአፀፋ እርምጃ መውሰድ ጀምሯል።

የግብፁ ፕሬዚዳንት አብዱል ፋታህ ኤል ሲሲ ትናንት በሰሜናዊ ሲናይ ግዛት በሚገኝ መስጂድ ላይ በደረሰ ጥቃት፥ 300 ሰዎች መሞታቸውን ተከትል ወታደራዊ ሃይል የሃይል እርምጃ እንዲወስድ አዘዋል።

ይህን ተከትሎም የግብፅ ወታዳራዊ ሃይል የአውሮፕላን የቦምብ ድብደባ በአሸባሪዎች ላይ መጀመሩን ገልጿል።

በቢር አል አቤድ ከተማ ሚገኘው አል ራውዳ መስጂድ ትናንት በቦምብ ጥቃት የደረሰበት ሲሆን በታጠቁ ሃይሎች ተኩስ ተከፍቶበት ለአምልኮ የተሰባሰቡ በርካታ ሰላማዊ ሰዎች ለሞትና ለጉዳት ተዳርገዋል።

ለጥቃቱ ሃላፊነቱን የወሰደ ቡድን እስካሁን የለም።

ከሟቾች ውስጥ 30 ህፃናት የሚገኙ ሲሆን ጉዳት የደረሰባቸው ደግሞ ከ100 በላይ ናቸው ተብሏል።

የግብፅ መንግስት የትናንቱን ጥቃት ተከትሎ የሶስት ቀናት ብሔራዊ ሀዘን አውጇል።

ምንጭ: ቢቢሲ

Advertisement