NEWS : ሮበርት ሙጋቤ የጠሩት የካቢኔ ስብሰባ አብዛኞቹ ሚኒስትሮች ባለመገኘታቸው ሳይካሄድ ቀረ – Most Ministers Boycott Cabinet Meeting Called by Mugabe

                                                                        

 የዚምባብዌ ፕሬዚደንት ሮበርት ሙጋቤ ዛሬ የጠሩት የካቢኔ ስብሰባ አብዛኞቹ ሚኒስትሮች ባለመገኘታቸው ሳይካሄድ መቅረቱን የሀገሪቱ መገናኛ ብዙሃን ገልፀዋል።

በራሳቸው ፍቃድ ከፕሬዚዳንትነታቸው እንዲወርዱ ጫና እየተደረገባቸው ያሉት የዚምባቡዌው ፕሬዚዳንት ሮበርት ሙጋቤ ስልጣን እንዲያስረክቡ የተቀመጠላቸው የጊዜ ገደብ ትናንት ማለፉ ይታወሳል።

በዚህም የጊዜ ገደቡ መጠናቀቁን ተከትሎ ሀገሪቱን የሚመራው የዛኑ.ፒ.ኤፍ ፓርቲ አባላት ፕሬዚዳንቱን በመክሰስ ከስልጣን ማንሳት በሚቻልበት ዙሪያ ላይ ለመምከር በዝግጅት ላይ መሆናቸው ይታወቃል።

ፓርቲው በዚህ ሂደት ላይ እያለ የዚምባብዌ ፕሬዚደንት ሮበርት ሙጋቤ ዛሬ ጧዋት የካቢኔ ሰብሰባ መጥራታቸው ተነግሯል። 

ይሁን እንጂ ሮበርት ሙጋቤ የጠሩት የካቢኔ ስብሰባ አብዛኞቹ ሚኒስትሮች ባለመገኘታቸው ሊካሄድ አልቻለም ነው የተባለው። 

በሌላ በኩል ባለፈው ወር ከስልጣናቸው የተባረሩት የሀገሪቱ ምክትል ፕሬዚዳንት ኤሚርሰን ምንጋግዋ፥ ሙጋቤ የህዝብ አስተያየት በማክበር ከመንበረ ስልጣናቸው እንዲወርዱ ዛሬ ጥሪ አቅርበዋል።

ምክትል ፕሬዚዳንቱ፥ ሙጋቤ የህዝብ ድምፅ ሰምተው በሰላማዊ መንገድ ከወረዱ ሀገሪቱ ጉዞዋን ወደ ፊት እንደምትቀጥል እና የእርሳቸውን ሌጋሲ ማስቀጠል ይችላል ነው ያሉት።

ምንጭ፦ ሲ.ጂ.ቲ.ኤን.

Advertisement