News: የካታሎንያ ፓርላማ ከስፔን ነጻ መሆኑን አወጀ- Catalan Parliament Declares Independence From Spain

                                                                   

የካታሎንያ ግዛት ፓርላማ የስፔን መንግስት የቀጥተኛ አገዛዝ ስርዓትን ለመተግበር በዝግጅት ላይ እያለ ነጻነትን ለማወጅ ወስኗል።

ተቃዋሚዎች ራሳቸውን ባገለሉበት ሁኔታ ውሳኔው በ70 ድጋፍና በ10 ተቃውም ጸድቋል።

የሴፔን ጠቅላይ ሚኒስትር ማሪያኖ ራጆይ በካታሎንያ ዴሞክራሲና መረጋጋትን ለማስፈን የቀጥተኛ አገዛዝ መተግበር ያስፈልጋል ብለው ነበር።

ባለፈው ወር ግጭቱ የተጀመረው ካታሎናውያን በሕዝበ-ውሳኔ ከስፔን ነጻ ለመውጣት የሚያስችላቸውን ድምጽ ከሰጡ በኋላ ነው።

የካታሎንያ መንግስት ከ43% ድምጽ ሰጪዎች 90 % የሚሆኑት ነጻነትን መርጠዋል ብሏል።

ሆኖም የስፔን ህግመንግስታዊ ፍርድ ቤት ህዝበ ውሳኔውን ውድቅ አድርጎት ነበር።

አሁንም የስፔን ህግ አውጪ ምክር ቤት በግጭት ወቅት ግዛቲቱን እንዲቆጣጠር የሚፈቅደውን የህገመንግስት አንቀጽ 155 መተግበር በሚቻልበት ሁኔታ ላይ ድምጽ ይሰጣል።

ይህ ደግሞ ማድሪድ የካታሎኒያ መሪዎችን አባራ የፋይናንስ፣ የፖሊስና የመገናኛ ብዙኃንን ለመቆጣጠር ያስችላታል።

ምንጭ:- ቢቢሲ( BBC)

Advertisement