NEWS: ሩሲያ ከባህር፣ ከአየርና ከምደር ላይ የባላስቲክ ሚሳኤል ሙከራ አደረገች – Russia Conducts Ballistic Missile Tests

                                               

ሩሲያ ከየር፣ ከባህር እና ከምደር ላይ በርካታ የባላትክ ሚሳኤል የማስወጨፍ ሙከራ ማድረጓ ተነግሯል።

የባላስቲክ ሚሳኤል ሙከራው የሩሲያ ልዩ የጦር ሀይል እያደረገ ያለው ሰፊ ወታደራዊ ልምምድ አካል መሆኑን የሀገሪቱ መከላከያ ሚኒስቴር አስታውቋል።

የሩሲያ መከላከያ ሚኒስቴር ትናንት ባወጣው መግለጫ፥ ሀገሪቱ ካላት ትልቅ የባላስቲክ ሚሳኤል አይነት የሆነው ቶፖል ባላስቲክ ሚሳኤል በሀገሪቱ ሰሜን ምእራብ ከሚገኘው ፕሊሴተስክ የሙከራ ጣቢያ መወንጨፉ ተነግሯል።

ሚሳኤሉ ኢላማም ኩራ የተባለውን የሩሲያ የሙከራ ጣቢያ እንዲመታ ተደርጎ መወንጨፉን ነው የሀገሪቱ መከላከያ ሚኒስቴር ያስታወቀው።

ከዚህ በተጨማሪም ሁለት የኒኩሌር አረር ተሸካሚ ሚሳኤሎች እና ሶስት የባላስቲክ ሚሳኤሎች ከባህር ላይ እና ከአየር ላይ በመተኮስ ሙከራ መደረጉንም ሚኒስቴሩ ገልጿል። 

እንዲሁም የሩሲያ ቱፖሌክ 160 እና ቱቦሌቭ 22 ኤም ዜድ ቦብ ጣይ አውሮፕላኖችን በወታደራዊ ልምምዱ ላይ መሰማራታቸው ተነግሯል።

ለልምምዱ ጥቅም ላይ የዋሉ ሁሉም የጦር መሳሪያዎች ተልእኳቸውን በኬት ማጠናቀቃቸውንም ሚኒስቴሩ ባወጣው መግለጫ አስታውቋል።

ምንጭ:- ኤፍ ቢ ሲ(FBC)

Advertisement