NEWS: ፍልስጤማዊው ወጣት በፌስቡክ በጻፈው ፅሁፍ ላይ በተፈጠረ የትርጉም ስህተት በእስራኤል ፖሊስ ተይዟል – End up in Prison Because of Wrong Translation

                                                                  

የእስራኤል ፖሊስ አንድ ፍሊስጤማዊ በፌስቡክ ገፁ በአረብኛ የፃፈው መልዕክት በያዘው የተሳሳተ ትርጓሜ ምክንያት በቁጥጥር ስር ማዋሉ አነጋጋሪ ሆኗል።

ግለሰቡ በዓረብኛ “እንደምን አደራችሁ” ብሎ የፃፈው መልዕክት በእብራይስጥ ሲተረጎም “እነሱን አጥቋቸው” የሚል ሀረግ መስጠቱ ነው ፖሊስ ግለሰቡን በቁጥጥር ስር እንዲያውል ያደረገው።

ፖሊስ የግንባታ ሰራተኛ የሆነው ፍልስጤማዊ በቁጥጥር ስር ውሎ እንደነበር ገልፆ፥ የመልዕክት ይዘት በደንብ ከተጣራ በኋላ ግን ወዲያውኑ ተለቋል ብሏል።

ግለሰቡ ከፃፈው መልክት ጋር በዌስትባንክ አካባቢ ሰራተኞች እና የግንባታ ቡልዶዘር ጋር የሚያሳይ ፎቶግራፍ ተያይዟል።

የግንባታ ቡልዶዘሮች ከዚህ ቀደም እስራኤላውያንን ለማጥቃት ኢላማ ይውሉ ነበር።

ፍልስጤማዊውን ለእስር የዳረገችው በአረብኛ “ሁላችሁም እንደምን አደራችሁ በሚለው እና በእብራይስጥ “እነሱን አጥቋቸው” በሚሉት ሀረጋት መካከል የአንድ የፊደል ልዩነት መከሰቷ ነው።

መረጃዎች እንደሚያሳዩት የእስራኤል ፖሊሶች ግለሰቡን ያሰሩት አረብኛ ተናጋሪ ባለሙያ ሳያማክሩ፥ የተፃፈውን መረጃ በፌስቡክ አውቶማቲክ ትርጓሜ ብቻ ተመስርተው ነው።

ግራ ያጋባው መልዕክት አሁን ላይ ከፌስቡክ መሰረዙም ተሰምቷል።

ምንጭ:- ኤፍ ቢ ሲ(FBC)

Advertisement