NEWS: በጃፓን ምርጫ የጠቅላይ ሚኒስትር ሺንዞ አቤ ፓርቲ አሸነፈ – President Shinzo Abe’s Political Party Won The Election

                                                      

ጠቅላይ ሚኒስትር ሺንዞ አቤ በሀገሪቱ የሚካሄደው አጠቃላይ ምርጫ ከተያዘለት ጊዜ በ1 ዓመት ቀድሞ እንዲካሄድ ጥሪ ማቅረባቸውን ተከትሎ ነው ምርጫው በትናንትናው እለት የተደረገው።

በምርጫውም በጠቅላይ ሚኒስትር ሺንዞ አቤ የሚመራው የጥምር መንግስት የሀገሪቱን ፓርላማ ሁለት ሶስተኛ አብላጫ ድምጽ በማግኘት ማሸነፉም ተገልጿል።

ምርጫውን ማሸነፋቸውን ይፋ ያደረጉት ጠቅላይ ሚኒስትሩ፥ ሀገራቸውን ከሰሜን ኮሪያ ከሚቃጡ ጥቃቶች ለመከላከል እንደሚሰሩ አስታውቀዋል።

የምርጫው ውጤት ጠቅላይ ሚኒስትሩ በህገ መንግስቱ ላይ ማሻሻያ እንዲያደርጉ እና የሀገሪቱን የመከላከያ ሀይል እንደ አዲስ እንዲያደራጁ እድል የሚፈጥርላቸው መሆኑ ተገልጿል።

ከምርጫው ውጤት በኋላ አስተያየት የሰጡት ጠቅላይ ሚኒስትር ሺንዞ አቤ፥ “ቃል በገባሁት መሰረት በዲፕሎማሲም ይሁን በማንኛውም መልኩ ከሰሜን ኮሪያ ጋር ያለውን ችግር ለመቅረፍ እሰራለሁ” ብለዋል።

ምንጭ:- ኤፍ ቢ ሲ(FBC)

 

Advertisement