NEWS: በጎንደር ዩኒቨርሲቲ በመገንባት ላይ የሚገኝ ህንፃ መወጣጫ ተደርምሶ የ2 ሰው ህይወት ሲያልፍ 10 ተጎድተዋል

                                        

በጎንደር ዩኒቨርሲቲ በመግንባት ላይ የሚገኝ ህንፃ መወጣጫ ተደርምሶ የ2 ሰው ህይወት ሲያልፍ 10 ሰዎች ደግሞ ተጎድተዋል።

ዛሬ ከረፋዱ 4 ሰዓት አካባቢ በዩኒቨርሲቲው ግቢ ውስጥ በመጠናቀቅ ላይ ባለ ህንፃ ሰራተኞች የሚጠቀሙበት አንድ የእንጨት መወጣጫ ተደርምሶ ነው አደጋው የደረሰው።

በዚህም ስራ ላይ በነበሩ 8 ሴቶችና 4 ወንዶች ላይ ጉዳት የደረሰ ሲሆን፥ የዩኒቨርሲቲው ተማሪዎች፣ መምህራንና ሰራተኞች ባደረጉት ርብርብ ለህክምና እርዳታ ወደ ጎንደር ዩኒቨርሲቲ ሆስፒታል ተወስደዋል።

ከተጎዱት መካከል አንዲት ሴት ወዲያውኑ ስትሞት ከባድ ጉዳት ደርሶባቸው ወደ ህክምና ከሄዱ ሰራተኞች ውስጥ ደግሞ የአንደኛው ህይወት ማለፉን ዩኒቨርሲቲው የህክምና መረጃዎችን ዋቢ አድርጎ በድረገፁ አስፍሯል።

ዘጠኝ ሰዎች ቀላል ጉዳት ደርሶባቸው ህክምና እየተከታተሉ ይገኛሉ ነው ያለው።

በደረሰው ጉዳት የጎንደር ዩኒቨርሲቲ ማህበረሰብ የተሰማውን ሀዘን ገልጿል።

ምንጭ:- ኤፍ ቢ ሲ(FBC)

Advertisement