NEWS: ኤች አይ ቪ ኤድስን መከላከል የሚያስችል ስትራቴጂ ለማውጣት የምክክር አውደ ጥናት እየተካሄደ ነው

                                               

ኤች አይ ቪ ኤድስን መከላከል የሚያስችል ፖሊሲና ስትራቴጂ ለማውጣት የምክክር አውደ ጥናት ዛሬ በአዲስ አበባ እየተካሄደ ነው።

አውደ ጥናቱን ብሔራዊ የኤች አይ ቪ ኤድስ መከላከያና መቆጣጠሪያ ጽህፈት ቤት፣ ከጤና ጥበቃ ሚኒስቴር ጋር በመሆን አዘጋጅተውታል።

ከህዝብ ተወካዮች ምክር ቤት ጉዳዩ የሚመለከታቸው የቋሚ ኮሚቴ አባላት እንዲሁም በኤች አይ ቪ ዙሪያ የሚሰሩ ባለድርሻ አካላት በአውደ ጥናቱ ይሳተፋሉ።

በዓለም አቀፍ ደረጃ ቫይረሱን ለማስወገድ የታለመውን ግብ ለማሳካት በሚቻልበት ጉዳይ ላይ ምክክር ይደረጋል።

አሁን ላይ በሀገር አቀፍ ደረጃ በአዋቂዎች ዘንድ የቫይረሱ ስርጭት 1 ነጥብ 2 በመቶ ሲሆን፥ በክልል በቤኒሻንጉል ጉሙዝ ክልል 0 ነጥብ 69 በመቶ ሆኖ ዝቅተኛ ደረጃ ላይ ነው።

ከፍተኛው ደግሞ በአዲስ አበባ ከተማ 4 ነጥብ 9 በመቶ ላይ ነው።

በአውደ ጥናቱም አሁን ያለውን ሰርጭት በሚቀንስበት ሁኔታ ላይ ውይይት ይደረጋል።

ምንጭ:- ኤፍ ቢ ሲ(FBC)

 

 

Advertisement