NEWS: ፊፋ ጥፋት ፈጽመዋል ባላቸው የአፍሪካ ሃገራት ላይ ቅጣት አስተላለፈ

                                                    

አለም አቀፉ የእግር ኳስ አስተዳዳሪ አካል (ፊፋ) ጥፋት ፈጽመዋል ባላቸው የአፍሪካ ሃገራት ላይ ቅጣት አስተላለፈ።

ቅጣቱ በአምስት ምድብ ተከፍሎ እየተካሄደ ባለው የ2018ቱ የአለም ዋንጫ ማጣሪያ ጨዋታ ላይ ጥፋት ፈጽመዋል በተባሉ ሃገራት ላይ የተጣለ ነው።

ባለፈው መስከረም ወር መጀመሪያ በተካሄዱ የማጣሪያ ጨዋታዎች ላይ ጥፋት ፈጽመዋል የተባሉ ሃገራት ላይ ማስጠንቀቂያና የገንዘብ ቅጣት ተላልፎባቸዋል።

በፈረንጆቹ መስከረም 1 ቀን ናይጀሪያ ከካሜሩን ባደረጉትና ናይጀሪያ 4 ለ 0 ባሸነፈችበት ጨዋታ፥ ደጋፊዎች ሜዳ በመውረራቸው ምክንያት 30 ሺህ የአሜሪካ ዶላር የገንዘብ ቅጣትና ማስጠንቀቂያ ተሰጥቷታል።

ዲሞክራቲክ ሪፐብሊክ ኮንጎ ደግሞ ከቱኒዚያ ጋር ባደረችው ጨዋታ፥ ደጋፊዎች ባሳዩት ያልተገባ ባህሪ ምክንያት 20 ሺህ የአሜሪካ ዶላር ተቀጥታለች።

በወቅቱ የኮንጎ ደጋፊዎች ወደ ሜዳ የተለያዩ ቁሳቁሶችን በመወርወራቸው ነበር ቅጣቱ የተላለፈው።

ማሊም ኮሞሮኮ ጋር ባደረችው ጨዋታ ደጋፊዎች ባሳዩት ያልተገባ ባህሪ ምክንያት፥ ከማስጠንቀቂያ ጋር 15 ሺህ የአሜሪካ ዶላር ቅጣት እንድትከፍል ተወስኗል።

በአንጻሩ ሞሮኮ ራባት ላይ ከማሊ ባደረገችው የመልስ ጨዋታ፥ የሃገሪቱ ብሄራዊ መዝሙር ሲዘመር ደጋፊዎች በፉጨት ባሰሙት ረብሻ ምክንያት የ3 ሺህ የአሜሪካ ዶላር ቅጣት ተጥሎባታል።

ምንጭ:- ኤፍ ቢ ሲ(FBC)

ዛምቢያም ሉሳካ ላይ ከአልጀሪያ ጋር ባደረገችው ጨዋታ በደጋፊዎች ያልተገባ ባህሪ ምክንያት 7 ሺህ የአሜሪካ ዶላር እንድትከፍል ቅጣት ተላልፎባታል።

ቡርኪና ፋሶ እና ሴኔጋል ደግሞ በደርሶ መልስ ባደረጉት ጨዋታ ላይ የጨዋታ ሰዓት በማዘግየት ማስጠንቀቂያ ተሰጥቷቸዋል።

የደቡብ አፍሪካው ኤሪክ ሙሎሞዋንዳው ማቶሎ ሃገሩ ከኬፕ ቨርዲ አድርጋው በነበረው ጨዋታ ባየው ቀይ ካርድ የተላለፈበት የአንድ ጨዋታ ቅጣት ሲራዘም፥ 5 ሺህ የአሜሪካ ዶላር ቅጣት እንዲከፍልም ተወስኖበታል።

Advertisement