NEWS; ሼባ ሌዘር በ10 ሚሊየን ብር ያስገነባውን የእጅ ቦርሳ ማምረቻ ፋብሪካ አስመረቀ

 

                                                                          

ሼባ ሌዘር ኢንዱስትሪ አክሲዮን ማህበር ምርቶችን ሙሉ በሙሉ ወደ ውጭ መላክ የሚያስችለውን የእጅ ቦርሳ ማምረቻ ፋብሪካ ትናንት አስመርቋል።

የኢንዱስትሪ ሚኒስቴር ፋብሪካው የጀመረው ሥራ ሀገሪቱ በቆዳ ዘርፍ ለምታደርገው ጥረት አጋዥ ሚና ይኖረዋል ብሏል፡፡

አክሲዮን ማህበሩ ውቅሮ ከተማ ባለው ፋብሪካ በ10 ሚልየን ብር ያከናወነውን ያለቀለት የሴቶች የእጅ ቦርሳ ማምረቻ ማስፋፊያ የኢንዱስትሪ ሚኒስትር ዲኤታ ዶክተር መብራህቱ መለስ እና በትግራይ መልሶ ማቋቋም ድርጅት(ትእምት) ዋና ስራ አስፈፃሚ ወይዘሮ አዜብ መስፍን በተገኙበት አስመርቋል።

በዓመት እስከ 100 ሺህ ቦርሳዎችን የማምረት አቅም እንዳለው የተነገረው ይህ ፋብሪካ፥ ምርቱን በቀጥታ ወደ አሜሪካ በመላክ በዓመት 3 ሚሊየን ብር ገቢ ያስገኛል ነው የተባለው።

በተጨማሪ ፋብሪካው የሚያመርተው ምርት በየዓመቱ በጥራቱ እና በመጠኑ እድገት እያሳየ ሲሆን፥ በቀጣይ አምስት ዓመት ውስጥ በዓመት 1 ሚሊየን ቦርሳ በማምረት ገቢውን ወደ 25 ሚሊየን የአሜሪካ ዶላር እንደሚያደርስ ተነግሯል።

የኤም ለንደን ግሩፕ የአሜሪካ ኩባንያ ስራ አስፈፃሚ እና ፕሬዚዳንት ማይክል ባንአውት፥ ኩባንያው የሼባ ሌዘርን በመደገፍ ተወዳዳሪነቱን ለማስቀጠል እንደሚሰራ አስታውቀዋል።

ለዚህም የሰው ሀይል በማሰልጠን፣ ያለውን ቴክኖሎጂ እና ገበያው የሚፈልገውን ዲዛይን በማጣመር በገበያው ተወዳዳሪ ለማድረግ እንደሚያግዙ ገልጸዋል።

ምንጭ:- FBC (ኤፍ.ቢ.ሲ.)

 

Advertisement