NEWS: ኮንጎ ውስጥ የወታደራዊ እቃ ጫኝ አውሮፕላን ተከስክሶ በውስጡ የነበሩ ሁሉም ሰዎች ሞቱ

                                                                            

ዴሞክራቲክ ሪፐብሊክ ኮንጎ ውስጥ የወታደራዊ እቃ ጫኝ አውሮፕላን ተከስክሶ በውስጡ የነበሩ ሁሉም ሰዎች መሞታቸውን የሀገሪቱ ባለስልጣናት ገለፁ።

በውስጥ የነበሩ የኮንጎና የሌሎች ሀገራት ዜግነት ያላቸው 12 የበረራ ሰራተኞች ህይወት ማለፉ ተነግሯል።

የዓይን እማኞች በሰጡት መረጃ አውሮፕላኑ ከኪኒሻሳ ንድጂል አውሮፕላን ማረፊያ ተነስቶ ወኪቩ ግዛት ሲጓዝ ነው የተከሰከሰው።

የኮንጎ የትራንስፖርት ሚኒስትር ጆሴ ማኪላ በቴሌቪዥን ቀርበው በሰጡት መግለጫ፥ በአውሮፕላኑ ውስጥ 12 የበረራ ሰራተኞች ነበሩ፤ በተፈጠረው የመከስከስ አደጋ የሁሉም ሰራተኞች ህይወት አልፏል ብለዋል።

በአሁኑ ወቅት የአደጋው ምክንያት በመጣራት ላይ መሆኑን ነው ያነሱት።

አውሮፕላኑ ከሰራተኞቹ ባሻገር ሁለት ተሽከርካሪዎችን እና የጦር መሳሪያዎችን ጭኖ እንደነበር ተነግሯል።

ምንጭ:- ኤፍ ቢ ሲ(FBC)

Advertisement