NEWS: በደመራ በዓል ምክንያት ዝግ የሚሆኑ መንገዶች

                                                          

የመስቀል በዓል በሰላም እንዲከበር አስፈላጊውን ቅድመ ዝግጅት አጠናቆ ወደ ስራ መግባቱን የአዲስ አበባ ፖሊስ ኮሚሽን አስታወቀ፡፡

በዓሉ በጥሩ ሁኔታ እንዲከበር ከሌሎች የፀጥታ አካላት እና ከሚመለከታቸው አካላት ጋር በቅንጅት እየሰራ መሆኑንም ኮሚሽኑ ለጣቢያችን በላከው መግለጫ አመላክቷል፡፡ 

በመስቀል አደባባይ የሚካሄደው የደመራ ፕሮግራም ተጀምሮ እስከሚጠናቀቅ እና የትራፊክ መጨናነቅ እንዳይፈጠርም፤

ከቦሌ ወደ መስቀል አደባባይ የሚወስደው መንገድ ደምበል ሲቲ ሴንተር ወይም ኦሎምፒያ ላይ፤ 

ከመገናኛ በሃያ ሁለት ወደ መስቀል አደባባይ እንዲሁም ከቦሌ መድሃኒያለም በአትላስ ሆቴል ወደ መስቀል አደባባይ የሚወስደው መንገድ ኡራኤል ቤተ-ክርስቲያን፤

ከሚክሲኮ አደባባይ በለገሃር ወደ መስቀል አደባባይ የሚወስደው መንገድ ለገሃር መብራት ላይ፤

ከአራት ኪሎ በውጭ ጉዳይ ሚኒስቴር ወደ መስቀል አደባባይ የሚወስደው መንገድ፥ ብሄራዊ ቤተ መንግስት መስቀለኛ ላይ፤

ከፖስታ ቤት ወደ መስቀል አደባባይ የሚወስደው መንገድ ሃራምቤ ሆቴል ላይ፤ 

ከሳሪስ በጎተራ የቀድሞው አራተኛ ክፍለ ጦር መስቀል አደባባይ የሚወስደው መንገድ መሿለኪያ ላይ፤

በአጠቃላይም ወደ መስቀል አደባባይ የሚያስገቡ መንገዶች ከቀኑ 9፡00 ሰዓት ጀምሮ ዝግጅቱ እስከሚጠናቀቅ ድረስ ይለፍ ለሌላቸው ተሽከርካሪዎች ዝግ መሆናቸውን ኮሚሽኑ አስታውቋል።

በአንጻሩ ደምበል ሲቲ ሴንተር- ባምቢስ የገበያ አዳራሽ- ኡራኤል- ወደ ቦሌ እንዲሁም መገናኛ

ደምበል ሲቲ ሴንተር- መስቀል ፍላወር- ጎተራ 

ከካዛንቺስ ኡራኤል ታላቁ ቤተ-መንግስት- ፍል ውሃ- ሀራምቤ ሆቴል- ብሄራዊ ቲያትር- ሜክሲኮ አደባባይ

ከካዛንቺስ- መናኸሪያ- ገብርኤል ማዞሪያ- አራት ኪሎ- እና ሌሎች መንገዶች ለተሽከርካሪ ክፍት ስለሚሆኑ አሽከርካሪዎች እነዚህን መንገዶች በአማራጭነት

እንዲጠቀሙ እና ለትራፊክ ፖሊስ አባላት ትዕዛዝ አስፈላጊውን ትብብር እንዲያደርጉ መልዕክቱን አስተላልፏል፡፡

ከዚህ ቀደም የተከበሩ ሃይማኖታዊና ብሄራዊ በዓላት በሰላም እንዲከበሩ ህብረተሰቡ ከፀጥታ ኃይሉ ጋር በመተባበር ወሳኝ ስራ ማከናወኑን ያስታወሰው ኮሚሽኑ፥ የዘንድሮው

የደመራ በዓል በሰላም እንዲከበር ነዋሪው የተለመደ ትብብሩን እንዲያደርግም ጥሪውን አቅርቧል፡፡ 

ህብረተሰቡ የፖሊስን አገልግሎት ለማግኘትም ሆነ አጠራጣሪ ነገሮች ሲያጋጥሙት መረጃ ለመስጠት በአዲስ አበባ ፖሊስ ኮሚሸን ነፃ የስልክ መስመር፤

991 ወይም በ011- 111- 01 -11 ፣ 011- 833- 22- 21 እንዲሁም በፌዴራል ፖሊስ ኮሚሽን ነፃ የስልክ መስመር 816 ወይም 011- 552- 63-03 እና መጠቀም የሚችል መሆኑ ተገልጿል፡፡ 

ለስራው ስኬታማነት ህብረተሰቡ እያደረገ ላለው ትብብር የአዲስ አበባ ፖሊስ ኮሚሽን ምስጋናውን እያቀረበ፥ ለመላው የእምነቱ ተከታዮች በዓሉ የሰላምና የደስታ እንዲሆንላቸው መልካም ምኞቱን አስተላልፏል።

ምንጭ:- ኤፍ ቢ ሲ(FBC)

Advertisement