NEWS: የሰውነት ሙቀትን በመቆጣጠር በሚያስፈልገን የዓየር ሁኔታ ውስጥ የሚያደርገን የእጅ ሰዓት ገበያ ላይ ሊውል ነው

                                  

የግል ሰውነት ሙቀት እና ቅዝቃዜን በመቆጣጠር በሚያስፈልገን የዓየር ሁኔታ ውስጥ የሚከተን “ኤርኮን” የተሰኘ የእጅ ሰዓት ገበያ ላይ ሊውል ነው።

ኤርኮን የእጅ ሰዓት በመጠቀም የነርቭ ስርዓታችን ወደ አንጎል መልእክት በመላክ ሙቀት ወይም ቅዝቃዜን ማመንጨት ይቻላል ተብሏል።

በሰዓቱ ላይ የሰውነትን የሙቀት ሁኔታ የሚከታተል መሳሪያ የተገጠመለት ሲሆን፥ ይህም መሳሪያ የሰውነት ነርቭ በቀላሉ በሚገኝበት የእጃችንን የቆዳ ክፍል እንዲያገኝ ተደርጎ የተሰራ ነው ተብሏል።

ሰዓቱን በእጁ ያሰረ ሰው ሙቀትን ወይም ቅዝቃዜን ሲፈልግ በሰዓቱ ስክሪን ያሉትን ሶስት አማራጭ ቁልፎችን በመጫን እንዲረዳው ማድረግ ይችላል። 

ሰዓቱ በዚህ ዘዴ ሰውነታችን ቀዝቃዛ ወይም ሞቃታማ መሆኑን ለአእምሯችን በመናገር ሰውነታችን ወደሚያስፈልገው የዓየር ሁኔታ ውስጥ የሚያስገባ ነው ። 
በተጨማሪም ቴክኖሎጂው ሰዓት እና ቀን ያሳውቃል።

ኤርኮን የእጅ ሰዓት መሸጫ ዋጋው 80 የአሜሪካ ዶላር መሆኑ ነው የተገለፀው።

ምንጭ:- ኤፍ ቢ ሲ(FBC)

Advertisement