NEWS: በሲም ካርድ የሚሰሩ የቴሌኮም መገልገያ መሣሪያዎች ምዝገባ እስከ መስከረም 14 ተራዘመ

                                            

በሲም ካርድ የሚሰራ የቴሌኮም መገልገያ መሣሪያ ምዝገባ እስከ መስከረም 14 qN 2010 ዓ.ም ድረስ መራዘሙን ኢትዮ ቴሌኮም አስታወቀ።

ኢትዮ ቴሌኮም እንዳስታወቀው፥ በሲም ካርድ የሚሰራ የቴሌኮም መገልገያ መሣሪያ ምዝገባ በደንበኞች ጥያቄ መሠረት እንዲራዘም መደረጉን አስታውቋል። 

እስካሁን ድረስ አገልግሎት ላይ ያልዋሉ በሲም ካርድ የሚሰሩ የቴሌኮም መገልገያ መሣሪያ ያላቸው የኢትዮ ቴሌኮም ደንበኞች ቀፎው ውስጥ ሲም ካርድ በማስገባት እና አገልግሎት ላይ እንዲውል በማድረግ በሲስተም አማካኝነት በኔትወርኩ እንዲመዘገብ እንዲያደርጉ አስታውቋል።

በተጨማሪም ሁለት ሲም ካርድ የሚቀበል የሞባይል ቀፎ ያላቸው ደንበኞቹ ሁለቱም የሲም መቀበያ ውስጥ ሲም ካርድ በማስገባት እስከ መስከረም 14 ቀን 2010 ዓ.ም ባለው ጊዜ ውስጥ እንዲመዘገብ እንዲያደርጉ ነው ያሳሰበው።

ምንጭ:- ኤፍ ቢ ሲ(FBC)

Advertisement