NEWS: የውሸት/ሀሰተኛ ዜና መስፋፋት አሳሳቢነት እየጨመረ ነው

                                       

በቀጥታ ኢንተርኔት ያለው የሀሰተኛ ዜናዎች መስፋፋት በዓለም አቀፍ ደረጃ በተጠቃሚዎች ላይ አሳሳቢነቱ እየጨመረ ነው።

በቀጥታ ኢንተርኔት የሚሰራጩ የሀሰት ዜናዎች መበራከት በመንግስት ስርዓት ላይ ከፍተኛ ተቃውሞ የሚያስከትሉ ምልክቶች እንዳሉት ተጠቁሟል።

ቢቢሲ በ18 ሀገራት ላይ ባደረገው የዳሰሳ ጥናት ከተሳተፉት ሰዎች መካከል 79 በመቶዎቹ፥ በቀጥታ ኢንተርኔት የሚሰራጭ ዜና ትክክለኛነቱ እና ሀሰተኛነቱን ለመመለየት እንደሚጨነቁ ተናግረዋል።

በቻይና እና በብሪታኒያ የተሳተፉት ደግሞ መንግስታቸው ኢንተርኔት እንዲቆጣጠር መፈለጋቸውን ገልጸዋል።

በጥናቱ መንግስት ኢንተርኔት መቆጣጠር የለበትም የሚል አቋም የሚያንፀባርቁ ተሳታፊዎች መኖራቸው ተጠቁሟል።

በጥናቱ ለአብነት የተጠቀሰው ሀዚ ላይን( Hazy line) የተባለው ቀጥታ የኢንተርኔት አገልግሎት የሚሰጥ ድረ ገፅ፥ እውነተኛ ያልሆነን መረጃ ትክክለኛ ዜና አስመስሎ በማቅረብ የሚታወቅ መሆኑን ተጠቁሟል።

በዚህም በፌስቡክ ላይ ሀሰተኛ ታሪኮችን በማጋራት ትርፍ እንደሚያገኝ ነው የተነገረው።

ብራዚላውያን ሀዚ ላይን በተባለው ድረ ገፅ ከሚተላለፉ መልእክቶች በእውነተኛው እና በሐሰተኛው ዜና መካከል ስላለው ሁኔታ ለመለየት በጣም እንደሚጨነቁ መስክረዋል።

በጥናቱ ከተሳተፉት 92 በመቶ የሚሆኑት ደግሞ የተለያዩ ስጋቶች መኖራቸውን ገልጸዋል።

እነዚህ የምርመራ ውጤቶች እንደሚጠቁሙት በኢንተርኔት የሚሰራጩት የውሸት መረጃዎች የ ቀጥታ ኢንተርኔት ታማኝነት በመቀነስ ረገድ ወሳኝ ሊሆኑ እንደሚችሉም አስተያየት ሰጪዎች ተናግረዋል።

ምንጭ:- ኤፍ ቢ ሲ(FBC)

 

Advertisement