NEWS: ዩ ትዩብ ተጠቃሚዎች ከፍለው ቪዲዮ የሚመለከቱበትን አገልግሎት ሊያቆም ነው

                                                                             

ግዙፉ የቪዲዮ ማጋሪያ እና ማጫወጫ ድረ ገጽ ዩ ትዩብ ተመልካቹች በወርሃዊ ክፍያ ቪዲዮ የሚመለከቱበትን አገልግሎት ሊያቆም ነው።

ዩ ትዩብ በተወሰኑ ገጾች ላይ የተጫኑ ቪዲዮዎችን ወርሃዊ ክፍያ የከፈሉ ብቻ እንደሚለከቱ የሚያደርገውን አገልግሎት እንደ አውሮፓውያኑ አቆጣጠር በ2013 ነበር ያስተዋወቀው።

ይህ አገልግሎትም በአቅራቢዎቹ የዩ ትዩብ ገጻቸው ላይ የጫኑትን ቪዲዮዎችን ለመመልከት ተመልካቾች በየወሩ ክፍያ እንዲፈፅሙ የሚጠይቅ ነበር።

በወርሃዊ ክፍያ አገልግሎት ከሚሰጡ የዩትዩብ ገጾች ውስጠም ናሽናል ጂኦግራፊ እና ሲሰም ስትሪት ኩባንያዎች ተጠቃሽ ናቸው።

ሆኖም ግን አገልግሎቱ በተጠቃሚዎች ዘንድ እምብዛም ተቀባይነተን እያገኘ ባለመሆኑ ከታህሳስ ወር ጀምሮ የክፍያ አገለግሎቱን ሊያቋርጥ መሆኑን ጎግል አስታውቋል።

ጎግል በብሎግ ፖስቱ ላይ እንዳስታወቀውም፥ የዩ ትዩብ የክፍያ አገልግሎት የገጹ ፈጣሪዎች ዘንድም ይሁን ተጠቃሚዎች ዘንድ እምብዛም ተቀባይነት እና ታዋቂነት አላገኘም ብሏል። 

ከታህሳስ ወር ጀምሮም ቪዲዮዎቻቸውን በወርሃዊ ክፍያ ለተመልካቾች በዩ ትዩብ አማካኝነት የሚያቀርቡ ባለቤቶች ያላቸው አማራጭ ቪዲዮውን ከዩ ትዩብ ላይ ማንሳት አሊያም ለህዝብ በነፃ ማቅረብ ብቻ መሆኑም ተነግሯል።

የቪዲዮ ባለቤቶች ገቢ እንዲያገኙም ሌሎች የማስታወቂያ እና የስፖንሰርሺፕ አማራጮችን እንደሚያቀርብ ነው ጎግል ያስታወቀው።

ምንጭ:- ኤፍ ቢ ሲ(FBC)

 

 

 

Advertisement