NEWS: ጎግል በድምፅ ገንዘብ ማስተላለፍ የሚያስችል አዲስ የክፍያ መተግበሪያ ኣስተዋወቀ

                                             

የተሰኘ በድምፅ ገንዘብ ማስተላለፍ የሚያስችል አዲስ የክፍያ መተግበሪያ በህንድ ኣስተዋወቀ።

ቴዝ ቴክኖሎጂ፥ ተጠቃሚዎች ድምጻቸውን በመጠቀም ሁለት መሣሪያዎችን በማገናኘት ገንዘብ መክፈል የሚያስችላቸውን ኦዲዮ ኪው. ኣር. (audio QR) የተባለ ቴክኖሎጂን ይጠቀማል ተብሏል።

የቴዝ መተግበሪያ ድምፅ ማጉያ ባላቸው ማንኛውም ስልክ ላይ የሚሰራ እንደሆነ ነው የተነገረው።

ቴዝ ከባንክ ወደ ባንክ ክፍያዎችን ለማዘዋወር ያስችላል፤ ማጭበርበርን የሚለይ እና የተጠቃሚን ማንነት የሚጠብቅ በጎግል የተገጠመለት የመረጃ ደህንነት መሳሪያ እንዳለው ተጠቁሟል።

በተጨማሪም ሰዎች ወይም የንግድ ድርጅቶች ገንዘባቸውን ለመላክ ወይም ለመቀበል ያገለግላቸዋል ተብሏል።

ኩባንያው እንደገለፀው ትናንሽ የንግድ ተቋማት መተግበሪያውን በመጠቀም ገንዘብ ወደ ባንክ ሂሳቦቻቸው ማስተላለፍ ይችላሉ።

የሂሳብ መክፈያ አማራጭ ነው የተባለው ይህ አዲሱ ቴክኖሎጂ፥ የስልክ ድምፅ በመጠቀም ከፋይን እና ተከፋይን ያገናኛል።

ይህ ባህርይ ደግሞ እንደ የባንክ ሒሳቦች እና ስልክ ቁጥሮች የመሳሰሉ የግል ዝርዝሮችን መለዋወጥ የማይፈልግ የገንዘብ ልውውጦች የሚካሄድበት ነው ተብሏል።

ቴዝ ተጠቃሚዎች ከአንድሮይድ በላይ የሆነ ደረጃ ስላለው ተጠቃሚዎች ከ55 የህንዳውያን ባንኮች ክፍያ እንዲያገኙ ያስችላቸዋል ተብሏል።

ኩባንው ይህን ይበል እንጂ በህንድ ውስጥ ካሉ 300 ሚልየን የሞባይል ተጠቃሚዎች፥ አዲሱ የክፍያ መተግበሪያ ዋጋው ውድ በመሆኑ ይህንን መሳርያ የሚቀበሉ ስልኮች ቁጥራቸው አነስተኛ ነው ተብሏል። 

ቴዝ በሁለቱም በአንድሮይድ እና አይ.ኦ.ኤስ መተግበሪያዎች የሚሰራ ሲሆን፥ ጎግል አዲሱን ቴክኖሎጂ ቬትናም፣ ኢንዶኔዥያ እና ታይላንድ ጨምሮ በሌሎች ሃገራት ውስጥ ለመተግበር ማቀዱን ገልጿል።

ምንጭ:- ኤፍ ቢ ሲ(FBC)

Advertisement