NEWS: ብሪታኒያ ከለንደኑ ፍንዳታ ጋር በተያያዘ አንድ ተጠርጣሪን በቁጥጥር ስር አዋለች

                                             

ብሪታኒያ ትናንት በለንደን ከደረሰው ፍንዳታ ጋር ተያይዞ የጠረጠረችውን የ18 ዓመት ወጣት በቁጥጥር ስር አዋለች።

በፍንዳታው አካባቢ ከሚገኘ የደህንነት ካሜራን የተሰበሰበን ምስል መሰረት በማድረግ በተደረገ ምርመራ ዛሬ ጠዋት ላይ ተጠርጣሪው በቁጥጥር ስር ውሏል።

ትናንት በከተማዋ ፓርሰን ግሪን በሚገኝ የመሬት ውስጥ ባቡር ላይ በደረሰ ፍንዳታ 30 ሰዎች መቁሰላቸው ነው የተነገረው።

ከእነዚህ መካከልም አብዛኛዎቹ ቀለል ያለ ጉዳት የደረሰባቸው በመሆኑም ከሆስፒታል ወጥተዋል።

ይህን ጥቃት ተከትሎ አገሪቱ የተጋረጠባትን የሽብር ስጋት ደረጃን ከፍ አድርጋለች።

አሸባሪው ቡድን አይ ኤስ ለትናንቱ ፍንዳታ ሀላፊነቱን መውሰዱም ይታወቃል።

ፍንዳታውን በሰዓት መቆጣጠሪያ ለማድረስ የታቀደ ቢሆንም፥ በአግባቡ ባለመጠመዱ ፍንዳታው የከፋ ጉዳት አለማድረሱን ፖሊስ አስታውቋል።

ያጠመደው አካል ባሰበው መልኩ ቢሄድ ኖሮ በስፍራው በነበሩ ሰዎች ላይ የከፋ ጉዳት ይደርስ ነበር ተብሏል።

ምንጭ:- ኤፍ ቢ ሲ(FBC)

Advertisement