NEWS: ሞባይል ስልክና አልኮል ለመግዛት ሲል የ11 ወር ወንድ ልጁን የሸጠው አባት…

                                            

ህንዳዊው አባት ሞባይል ስልክ፣ ልብስና አልኮል ለመግዛት የ11 ወር ህፃን ልጁን በ25 ሺህ ሩፒ ሽጧል።

ከዚህ በፊት በጣም ውድ አይፎኖችንና አይፓፎችን ለመግዛት የፈለጉ ሰዎች ውዱን ኩላሊታቸውን መሸጣቸውን የሚገልፁ ዘገባዎች ከወደ ህንድ መውጣታቸው ይታወሳል።

በህንድ የባድራክ ኦዲሻ አካባቢ ነዋሪ የሆነው አባት የ11 ወር ወንድ ልጁን የሸጠበት ሁኔታ ደግም በጣም ብዙዎችን አስገርሟል።

ሰውየው የአንድ ዓመት የልደት ቀኑን እንኳ ያላከበረውን ህፃን ልጅ ለገበያ ያቀረበው ሞባይል ስልክ፣ ልብስና አልልኮል ለመግዛት መሆኑ የብዙዎችን ልብ አሳዝኗል።

በለራም ሙኪ የተባለው ግለሰብ ህፃን ልጁን በ25 ሺህ ሩፒ የሸጠው ሲሆን፥ ከገንዘቡ ውስጥም 2 ሺህ ሩፒውን ሞባይል ስልክ ገዝቶበታል።

ለሰባት ዓመት ሴት ልጁ ደግሞ በ1 ሺህ 500 ሩፒ ከብር የተሰራ የእግር አልቦ ለሚስቱም የህንድ ባህላዊ ቀሚስ ሸምቶበታል።

ቀሪው ገንዘብ ግን ሙኪ ለስካር የሚያጋልጠውን የአልኮል መጠጥ በየዕለቱ እየገዛ ይጠጣታል።

ሱኪ በየቀኑ መጠጥ እየጠጣ ወደቤቱ የሚገባ መሆኑን ነገር ግን ምንም ዓይነት ወርሃዊ ገቢ እንደሌለው የአካባቢው ተቆጣጣሪ ፖሊስ ባጣራው መረጃ ይደርስበታል።

ፖሊስ እንደገለፀው ከሆነ ሙኪ በፅዳት ስራ የተሰማራና በአልኮል መጠጥ ሱስ የተጠቃ ነው።

የተሸጠው ህፃን ልጅ እናት ሱኩቲ በበኩሏ፥ “ከዕለታት አንድ ቀን ባሌ በጣም ሰክሮ ነበር፤ በስካር መንፈስ ውስጥ ሆኖም ይህ ልጅ ተቀባይነት የሌለው ነው ማለቱንና ለሌሎች ሰዎች ልንሸጠው ይገባል ማለቱን” ገልጻለች።

እናት ልጇ እንዳይሸጥ በማድረግ ሌሎችን ሁለት ልጆቿን እንዳሳደገቻቸው ሁሉ፥ እሱንም ለማሳደግ ዝግጁ መሆኗን ነበር የተናገረችው።

ሆኖም ተከሳሽ ባል ልጁ ቤት ውስጥ መኖር የለበትም በማለቱ ግጭት ፈጠርን፤ በመካከል ለሽያጭ አቀረበው ትላለች እናት።

ሱኩቲ ይህን ብትልም ፖሊስ ግን በወንጀሉ ተባባሪ ልትሆን ትችላለች በሚል በቁጥጥር ስር አውሏታል።

ጥንዶቹ ሌላም የ10 ዓመት ወንድ ልጅ እንዳላቸው የተጠቆመው ፖሊስ፥ በጉዳዩ ላይ ተሳትፎ አለው በሚል የእነ ሱኩቲን የልጅ ባል በቁጥጥር ስር አውሎ እየመረመረው ነው።

ሙኪ የልጅ ባላቸው ባሊያ እና በህፃናት ማሳደያ ማዕከል ውስጥ የሚሰሩ አንድ ግለሰብ በአንድ ወቅት በ60ዎቹ የእድሜ ክልል የሚገኙ ባልና ሚስትን አግኝተው እንዳወሯቸው ፖሊስ በምርምራው ደርሼበታለሁ ብሏል።

እኝህ ባልና ሚስት በፈረንጆቹ 2012 የ24 ዓመቱን ብቸኛ ወንድ ልጃቸውን በሞት ያጡ ናቸው።

በዚህም ምክንያት አዛውንት የሟች እናት ዘመድ አልባ በመሆን ድብርት ውስጥ ይገባሉ።

ይህን የሰሙት ሶስት ተጠርጣሪ ወንጀለኞችም የእነ ሱኩቲን ህፃን ሽጠውላቸው ገንዘብ ማግኘትን ያልማሉ።

በዚህም ከተጠርጣሪዎቹ መካከል አንዱ የሆነው ሙኪ ህፃን ልጁን ለአዛውንቶቹ ይሸጥላቸዋል።

በዚህም 25 ሺህ ሩፒ መቀበሉን የደረሰበት ፖሊስ አሁን ሰውን በገንዘብ በመሸጥ ወንጀል፥ አዛውንቶቹን እና ከጉዳዩ ጋር ግንኙነት ያላቸውን ሰዎች ሁሉ በመመርመር ላይ መሆኑን አሳውቋል

 ምንጭ:- ኤፍ ቢ ሲ(FBC)

Advertisement