NEWS: ሆንዳ ለአውሮፓ ገበያ የሚቀርብ በኤሌክትሪክ ሀይል የሚንቀሳቀስ ተሽከርካሪ አስተዋወቀ

                                            

ሆንዳ በ2017 ፍራንክፈርት የሞተር ትርዒት ላይ ለአውሮፓ ገበያ የሚቀርብ በኤሌክትሪክ ሀይል የሚንቀሳቀስ አዲስ የመኪና ሞዴል አስተዋወቀ።

አዲሱ ሞዴል ከማስተዋወቅ አልፎ አሁን በብዛት ገበያ ለመቅረብ ዝግጁ ባይሆንም በፈረንጆች ዘመን 2019 ለገበያ እንደሚቀርብ ተነግሯል።

ሞዴሉ የአሽከርካሪውን ስሜት የሚገነዘብ በመንገዱ ላይ ያለውን ባህሪ የሚያስተውልበት ስርዓት የተገጠመለት ሲሆን፥ ይህም የአሽከርካሪውን ፍላጎት እና ቀጣይ እርምጃዎችን በማሳየት የውሳኔ ሃሳቦችን ያቀርባል ነው የተባለው።

ይህ አዲስ የተሽከርካሪ ሞዴል ውጫዊ እይታው ሳቢ ቢሆንም ውስጣዊ ገፅታው ላይ ግን የተለያዩ አስተያየቶችን አስተናግዷል።

አዲሱ ሆንዳ ከተመለከከቱት ሰዎች አብዛኛዎቹ ቢያደንቁትም በመኪናው ውስጥ ለቅንጦት የተቀመጡትን ውድ ቴክኖሎጂዎች አስመልክተው “አስፈላጊ አልነበረም” ከሚል የተነሳ አሉታዊ አስተያየት የሚሰጡ ደምበኞች እንዳሉም ተጠቁሟል።

ምንጭ:- ኤፍ ቢ ሲ(FBC)

Advertisement