NEWS: በደረሰበት አደጋ ምክንያት ሰውነቱ እንደ ፊኛ በመነፋት ላይ ያለው ግለሰብ

                                                                     

የፔሩ ዜግነት ያለው አሌሀንድሮ ራሞስ ማርቲኔዝ በአሽከርካሪነት ስራ የሚተዳዳር ሲሆን፥ በቅርቡ ያጋጠመው አደጋ ግን ሀይወቱን አዳጋች አድርጎበታል ነው የተባለው።

ማርቲኔዝ በደረሰበት አደጋም ሰውነቱ ከእለት እለት እንደ ፊኛ እየተነፋ በመሆኑ ህይወቱን አዳጋች አድርጎበታል ነው የተባለው።

ይህ ሊከሰት የቻለው በደሙ ውስጥ የሚገኘው ናይትሮጅን አማካኝነት ነው የተባለ ሲሆን፥ በደሙ ውስጥ ያለው የናይትሮጅን መጠን እየበዛ በመምጣቱ የሰውነቱ ቅርፅ ከጊዜ ወደ ጊዜ እንዲበላሽ ማድረጉም ተገልጿል።

ማርቲኔዝ ያጋጠመው የጤና እክል በሀገሪቱ ቴሌቪዥን ላይ የቀረበ ሲሆን፥ ዶክተሮችም በደም ውስጥ ያለው ናይትሮጂን በግለሰቡ ላይ እያደረሰ ያለው ነገር እንዳስገረማቸው አስታውቀዋል።

በደም ውስጥ የሚገኝ የናይትሮጂን መጠን ከሚያስከትላቸው የጤና እክሎች ውስጥ የሰውነት መዛል፣ መደንዘዝ፣ የመገጣጠሚያ ህመም ተጠቃሽ ሲሆኑ፥ አልፎ አልፎ የሰውነት አለመታዘዝ እና የሞትን ሊያስከትል ይችላል።

ፔሯዊው ግለሰብ ላይ ያጋጠመው ግን በህክናው አለም አስካሁን ካጋጠሙት የተለየ ነው ብለዋል ዶክተሮቹ።

አሌሃንድሮ ራሞስ ማርቲኔዝ አደጋው ከ4 ዓመት በፊት ያጋጠመው ሲሆን፥ የህከምና ባመሉያዎች በደሙ ውስጥ ያለወን ናይትሮጂን በምን መልኩ ማስወገድ ይቻላል የሚለው ላይ እየሰሩ መሆኑም ታውቋል።

የናይትሮጅን ጋዙን በቀዶ ህክምና ማስወገድ እንደማይቻል ያስታወቁት የህክምና ባለሙያዎቹ፥ ጋዙን በመሳብ ለማውጣት በሚቻልበት ዙሪያ እየሰሩ ነውም ተብሏል።

አሌሃንድሮ ራሞስ ማርቲኔዝ በናይትሮጅን ጋዙ መብዛት የተነሳ ተንቀሳቃኝ ፊኛ አስመስሎታል የተባለ ሲሆን፥ የሰውነቱ ከብደተም በ30 ኪሎ ግራም ጨምሯል ነው የተባለው።

ምንጭ:- ኤፍ ቢ ሲ(FBC)

 

 

Advertisement