NEWS: የኬንያ ጠቅላይ ፍርድ ቤት በፕሬዚዳንት ኡሁሩ ኬንያታ አሸናፊነት የተጠናቀቀውን ፕሬዚዳንታዊ ምርጫ ውጤቶችን ሰረዘ

                               

ጠቅላይ ፍርድ ቤቱ ዛሬ በሰጠው ውሳኔ የምርጫ ቦርዱ በድምፅ አሰጣጡ ወቅት ሂደቱን የማዛባትና ህገወጥ ድርጊቶችን በመፈፀም ምርጫው ተዓማኒነት እንዳያገኝ አድርጉዋል ብሉዋል።
ተቃዋሚ መሪ ራይላ ኦዲንጋ በፕሬዚዳንት ኬንያታ በ1.4 ሚሊዮን ድምፅ ብልጫ
የተሸነፉበት የምርጫ ውጤት “ሃሰት ነው” በማለት ፍርድ ቤቱ ውድቅ እንዲያደርገው አቤቱታ ማስገባታቸው ይታወሳል።
በኬንያ ህገ መንግሥት በሚያዘው መሰረት በስድሳ ቀናት ማለት በሁለት ወር ጊዜ ውስጥ ድጋሚ ምርጫ መካሄድ አለበት።
ፕሬዚዳንት ኡሁሩ ኬንያታ በበግሌ የማልስማማበት ቢሆንም የጠቅላይ ፍርድ ቤቱን ውሳኔ አከብራለሁ ብለዋል። አክለውም ፕሬዚዳንቱ ሥድስት ሰዎች የህዝቡን ፍላጎት ለመፃረር የተነሱ ሥድስት ሰዎች ያደረጉት ውሳኔ ነው ሲሉ ፍርድ ቤቱን ነቅፈዋል፡፡
ዝርዝሩን የያዘ ዘገባ እና ትንታኔ በምሽቱ ዝግጅታችን በአቢይ ርዕስ ይቀርባል፡፡

ምንጭ:- ቪ ኦ ኤ(VOA)

Advertisement