NEWS: ሃሪኬይን ሃርቪ በከባድ ንፋስና ዝናብ የወረደባት ዩናይትድ ስቴትስ ደቡብ ምሥራቅ ቴክሳሱዋ ሃሪስ ወረዳ ውስጥ የሞቱት ሰዎች ቁጥር ሠላሳ ዘጠኝ ደረሰ

                                        

አካባቢውን የዋጠው ሜትር ከሩብ ከፍታ ያለው ጎርፍ ውሃ ቀነስ ማድረግ ጀምሯል፡፡
የወረዳዋ ነዋሪዎች ከባድ የማገገምና የመልሶ ግንባታ ጉዞ ይጠብቃቸዋል። ሃርቪ ለየት ያለ ችግር የደቀነባቸው ማኅበረሠቦችም አሉ። 
ህጋዊ ፈቃድ የሌላቸው የውጭ ሃገር ሰዎች። ዕርዳታ ለመቀበል ብናመለክት እንያዛለን ብለው ሰግተዋል። እንዲህ ባለ ስጋት ላይ ያሉትን ሰዎች ዕርዳት ፍለጋ ስትመጡ አትያዙም ብለው ማረጋገጫ የሚሰጡዋቸው ሠራተኞች የመንግሥት ባለልሥጣናት አሰማርተዋል። 
የሂዩስተን ከተማ ከንቲባ ሲልቨስተር ተርነር አንድ የውጪ ሰው ዕርዳታ ፍለጋ መጥቶ ቢታሰር እኔ ራሴ ቆሜ እሟገታለሁ ብለዋል።
የኢሚግሬሽን ህግ አስከባሪ ክፍል በሃርቪ በተጠቁ አካባቢዎች ህጋዊ ፈቃድ የሌላቸውን ሰዎች የማደን እንቅስቃሴ እንደማያካሂድ አስታውቁዋል።
ይህ በዚህ እንዳለ ቴክሳስ ክሮዝቢ ቀበሌ በሚገኘው የኬሚካል ፋብሪካ በደረሰው ፍንዳታ ምክንያት የአካባቢው ነዋሪዎች ለቀው እንዲወጡ ተደርጓል።

ምንጭ:- ቪ ኦ ኤ(VOA)

Advertisement