NEWS: አሜሪካ በሀገሪቱ የሚገኙ የሩሲያ የዲፕሎማሲ መስሪያ ቤቶች እንዲዘጉ አዘዘች

                                

አሜሪካ በሳንፍራንሲስኮ የሚገኘው የሩሲያ ዲፕሎማሲያዊ መስሪያ ቤትና ሌሎች ቅርንጣፎችን እንድንተዘጋ ሞስኮን አዘዘች።

ይህ የዋሽንግተን እርምጃ ሞስኮ ባለፈው የአሜሪካ ድፕሎማቶች እንዲወጡ በማድረጓ የተሰጠ ምላሽ ነው ተብሏል።

ከዋናው መስሪያ ቤት በተጨማሪ በኒው ዮርክና በዋሽንግተ የሚገኙ የሩሲያ ዲፕልማሲያዊ መስሪያ ቤት ቅርንጫፎች በመጪው ቅዳሜ የግዴታ እንዲዘጉ የአሜሪካ የውጭ ጉዳይ ሚኒስቴር አዟል።

አሜሪካ ሞስኮ ክሬሚያን በማስገንጠሏና በ2016 ፕሬዚዳንታዊ ምርጫ ጣልቃ ገብታለች በሚለው ውንጀላ በሩሲያ ላይ ማዕቀብ በመጣል 35 ዲፕሎማቶች ወደ ሀገራቸው እንዲሄዱ ማድረጓ ይታወሳል።

የቀድሞው የአሜሪካ ፕሬዚዳንተ ባራክ ኦባማ የሩሲያ ዲፕሎማቶች ወደ ሀገራቸው እንዲሄዱና ሁለት የመልዕክተኞች ቢሮ እንዲዘጉ በ2016 ታህሳስ ወር ትዕዛዝ ማስተላለፋቸው አይዘነጋም።

ዋሽንግተን ሩሲያ ከሀገሯ እንዲወጡ ትዕዛዝ ያስተላለፈችባቸው የአሜሪካ ዲፕሎማቶች የተሰጣቸው ጊዜ ሊጠናቀቀ አንድ ቀን ሲቀረው ነው የሞስኮ ዲፕሎማሲያዊ መስሪያቤቶች እንዲዘጉ ውሳኔ ያሳለፈችው።

ክሬምሊን ባሳለፍነው የፈረንጆቹ ሃምሌ 31 ቀን 75 የአሜሪካ ዲፕሎማቶች ከሩሲያ ለቀው እንዲወጡ ማዘዙ ይታወሳል።

በተሰጣቸው ቀነገደብ መሰረትም ነገ ሩሲያን ለቀው የሚወጡበት ቀን ነው።

ምንጭ:- ኤፍ ቢ ሲ(FBC)

Advertisement