NEWS: የፓኪስታን ብሔራዊ ሸንጎ ፕሬዚዳንት ዶናልድ ትራምፕ በአፍጋኒስታን ላይ ያወጡትን አዲስ ፖሊሲን አጥብቆ አውግዟል።

                                          

የፓኪስታን ብሔራዊ ሸንጎ ፕሬዚዳንት ዶናልድ ትራምፕ በአፍጋኒስታን ላይ ያወጡትን አዲስ ፖሊሲን አጥብቆ አውግዟል። ፕሬዚዳንቱና ጄኔራል ጆን ኒከልሰን ስለፓኪስታን የተናገሩትን “ጠላታዊና ዛቻ አዘል” ብሎታል። ፕሬዚዳንት ትራምፕ ባለፈው ሳምንት ሰኞ ስለ አፍጋኒስታንና ስለደቡብ እስያ ያወጡትን አዲስ ፖሊሲ ባስታወቁበት ወቅት ፓኪስታንን ክፉኛ ነቅፈዋል። 

“ለፓኪስታን በቢልዮኖች ዶላር የሚቆጠር ገንዘብ ስንከፍል ቆይተናል። እነሱ ግን የምንዋጋቸውን አሸባሪዎች ያስጠልላሉ” በማለት ነቅፈዋል። 
ካቡል ያሉት የአሜሪካ ከፍተኛ ወታደራዊ አዛዥ ጄኔራል ኒከልሰን በበኩላቸው ከአፍጋኒስታን ቴሌቪዥን ጋር ባደረጉት ቃለ መጠይቅ የታሊባን መሪዎች ኳታ እና ፐሽዋር በተባሉት የፓኪስታን ከተማዎች እንዳሉ እናውቃለን። ስለሆነም “በሰላም መተኛት የለባቸውም” ሲሉ ዝተዋል።
የፓኪስታን ብሔራዊ ሸንጎ አያይዞም “የሀገሪቱ ህዝብ የሀገሪቱን ሉዓላዊነትና ግዛታዊ ክብርን” ለመጠበቅ ቁርጠኛ መሆኑን የሀገሪቱ መንግሥት ግልፅ እንዲያደርግ ጥሪ አቅርቧል።

ምንጭ:- ቪ ኦ ኤ(VOA)

Advertisement