NEWS: አዲስ አበባ አዳማ የፍጥነተ መንገድ ላይ በ120 ሚለየን ብር የተለያዩ አገልግሎት ሰጪ ተቋማት ሊገነቡ ነው

ሰርካለም ጌታቸው

                                           

የኦሮሚያ ክልል መንግስት 120 ሚለየን ብር በሆነ ወጪ ከአዲስ አበባ አዳማ የሚወሰደውን የፍጥነተ መንገድ ተከትሎ የተለያዩ አገልግሎት ሰጪ ተቋማት ሊያስገነባ ነው።

የአገልግሎት ተቋማቱ ነዳጅ ማደያ፣ የእንግዳ ማረፊያ ቤቶች፣ ሬስቶራንት እና ሌሎች ተቋማትን ከሚገነቡት ውስጥ ይገኝበታል።፡፡

ተቋማቱን ለመገንባት የዲዛይን ስራ ተጠናቆ ስራ ለመጀመር ውል መፈረሙን የክልሉ የሰራ እድለ ፈጠራ እና የከተሞች ምግብ ዋስትና ኤጀንሲ ምክትል ዳሬክተር አቶ ጌታቸው ገለታ ተናግረዋል፡፡

የፍጥነት መንገዱ በቀን 20 ሺህ ተሽከርካሪ የሚያስተናግድ በመሆኑ መንገዱን ተከትለው የሚገነቡት አገልግሎት ሰጪ ተቋማት ለመንገደኞች አስፈላጊ አገልግሎት ከመስጠት ባሻገር ለ600 ወጣቶች የስራ እድል ይፈጥራሉ ተብሏል፡፡

በዙሪያው ለሚመረቱ አትክልት እና ፍራፍሬ ግብይትም ትልቅ ድርሻ ይኖረዋል ያሉት አቶ ጌታቸው፥ የተቋማቱ የግንባታ በጀትም ሙሉ በሙሉ በክልሉ መንግስት ይሸፈናል ብለዋል።

 

ምንጭ:- ኤፍ ቢ ሲ(FBC)

 

 

Advertisement