NEWS: ቻይና በሰዓት 350 ኪሎ ሜትር የሚጓዘውን ፈጣን ባቡሯን ስራ ልታስጀምር ነው

                                                          

ቻይና በጣም ፈጣን የተባሉትን ባቡሮቿን ፍጥነታቸውን በመጨመር ዳግም ወደ ስራ ልትመስል መሆኑን አስታውቃለች።

ከዚህ ቀደም የነበረው እና በሰዓት 330 ኪሎ ሜትር የሚጓዘው “ፉዢንግ” ፈጣን ባቡር እንደ አውሮፓውያኑ አቆጣጠር በ2011 ባጋጠመው የመጋጨት አደጋ የ40 ሰዎች ሀይወት ማለፉት ተከትሎ ስራ ማቆሙ ይታወሳል።

ከቀጣዩ ሳምንት ጀምሮ ግን ስራ አቁመው ከነበሩት ባቡሮች ውስጥ የተወሰኑትን ፍጥነታቸውን በሰዓት ወደ 350 ኪሎ ሜትር ከፍ በማድረግ ወደ ስራ ይገባሉ ተብሏል።

እንደ አዲስ በከፍተኛ ፍጥነት ወደ ስራ የሚገባው ባቡርም ከዚህ ቀደም በቤጂንግ እና ሻንጋይ መካከል ጉዞ ሲደረግ የሚፈጀውን ጊዜ በ1 ሰዓት እንደሚቀንሰውም ተንገሯል።

ከመስከረም 11 ጀምሮም ሰባት ቡቦሮች በከፍተኛ ፍጥነት እንዲጓዙ ይደረጋል የተባለ ሲሆን፥ ባቡሮቹም “ፉዢንግ” የሚል ስያሜ ተሰጥቷቸዋል።

ሁሉም ባቡሮች ላይ ማሻሻያ የተደረገባቸው ዘመናዊ የመቆጣጠሪያ ስርዓት ይገጠምላቸዋል የተባለ ሲሆን፥ ይህም ባቡሩ በአደጋ ጊዜ ፍጥነቱን እንዲቀንስ እና እንዲቆም የሚያደርጉ ናቸው ተብሏል።

የሀገሪቱ የባቡር አስተዳዳሪ አካል አሁን ያለውን የባቡር ፍጥነት ከዚህም ከፍ የማድረግ ፍላጎት እንዳለው ያስታወቀ ሲሆን፥ በሰዓት አስከ 400 ኪሎ ሜትር የሚጓዙ ፈጣን ባቡሮች ባለቤት ለመሆን እየሰራ መሆኑም ታውቋል።

በአሁኑ ወቅት ቻይና በአጠቃላይ 19 ሺህ 960 ኪሎ ሜትር የፈጣን ባቡር ሀዲድ እንዳላት ይነገራል።

ምንጭ:- ኤፍ ቢ ሲ(FBC)

Advertisement