NEWS: ዚምባቡዌ የፕሬዚዳንት ሮበርት ሙጋቤ ልደት ብሄራዊ በዓል እንዲሆን አወጀች

                                                 

የዚምባቡዌ መንግስት የፕሬዚዳንት ሮበርት ሙጋቤ ልደት ብሄራዊ በዓል ሆኖ እንዲከበር አወጀ።

የካቲት 14 ቀን የሚከበረው የፕሬዚዳንቱ ልደት ብሄራዊ በዓል ሆኖ እንዲከበር የታወጀውም እንደ አውሮፓውያኑ አቆጣጣር ከ1980 ጀምሮ ሀገሪቱን በመምራት ላይ የሚገኙትን ሮበርት ሙጋቤን ለማክበር መሆኑም ተነግሯል።

የሮበርት ሙጋቤ ብሄራዊ ቀን ሊታወጅ የቻለው የፓርቲያቸው ዛኑ ፒ ኤፍ ወጣቶች ሊግ ባቀረበው ተደጋጋሚ ጥያቄ ጫና ማሳደሩን ተከትሎ ነው ተብሏል።

የዚምባቡዌ የሀገር ውስጥ ጉዳይ ሚኒስትር ኢግናቲዩስ ቾምቦ ለሀገሪቱ ሄራልድ ጋዜጣ እንደተናገሩት፥ ብሄራዊ በዓሉን ማወጅ ያስፈለገው የዚምባቡዌ ወጣቶች ፕሬዚዳንት ሮበርት ሙጋቤን በምሳሌነት በመውሰድ ከሳቸው እንዲማሩ በማሰብ ነው።

ዛኑ ፒ.ኤፍ ፓርቲ የፕሬዚዳንቱ ልደት ብሄራዊ በዓል እንዲሆን ለዓመታት ጫና ሲፈጥር እና ሲጠይቅ መቆየቱን ተከትሎ የሀገሪቱ መንግስት ካቢኔ ውሳኔውን ማሳለፉንም ሚኒስትሩ አስታውቀዋል።

ዛኒ.ፒ.ኤፍ ፓርቲ የዚንባቡዌ ዋናው አየር ማረፊያም በፕሬዚዳንቱ ሮበርት ሙጋቤ እንዲሰየም ጠይቋል ነው የተባለው።

የ93 ዓመቱ ሮበርት ሙጋቤ ዚምባቡዌ ከእንግሊዝ ቀኝ ግዛት ነጻ በወጣችበት እንደ አውሮፓውኑ አቆጣጣር በ1980 ወደ ስልጣን የመጡት።

ከዚያን ጊዜ አንስቶም ለ37 ዓመታት ሀገሪቱን በመምራት ላይ ይገኛሉ።

በቀጣዩ ዓመት በዚንባቡዌ በሚደረገው ፕሬዚዳንታዊ ምርጫ ላይም ፓርቲያቸው ዛኑ.ፒ.ኤፍን በመወከል ለፕሬዚዳንትነት እንደሚወዳደሩ ማስታወቃቸው ይታወሳል።

ዛኑ ፒ.ኤፍ ፓርቲም የ93 ዓመቱ ሮበርት ሙጋቤ በቀጣዩ ዓመት ምርጫ ለፕሬዚዳንትነት እንዲወዳደሩ ሙሉ ድጋፉን ሰጥቷቸዋል።

ምንጭ:- ኤፍ ቢ ሲ(FBC)

Advertisement