NEWS: የሩሲያ አየር ሀይል ከ200 በላይ የአይ.ኤስ ታጣቂዎችን መግደሉ ተነገረ

                                             

 

የሩሲያ አየር ሀይል ከ200 በላይ የኢስላሚስ ስቴት (ኤይ.ኤስ) አሸባሪ ቡድን ታጣቂዎችን መግደሉ ተነገረ።

አየር ሀይሉ ወደ ሶሪያዋ ዴይር አል ዞር ከተማ በማቅናት ላይ የነበሩ የአይ.ኤስ ታጣቂዎችን መግደሉንም የሩሲያ መከላከያ ሚኒስቴርን በመጥቀስ ሀገሪቱ የዜና ተቋማት ዘግበዋል።

ራሱን ኢስላሚክ ስቴት እያለ የሚጠራው የአሸባሪው ቡድን አይ ኤስ የጦር ሀይሎቹን ዴይር አል ዞር ከተማ አካባቢ ላይ እያሰባሰበ እንደሚገኝም ተነግሯል።

ይህ የሆነውም ቡድኑ በሶሪያ የምድር ጦር እና በሩሲያ አየር ሀይል በሚሰነዘርበት ጥቃት ደቡባዊ የራቃ ግዛት እና የምእራባዊ ሆመስ ግዛትን ለቆ ለመውጣት መገደዱን ተከትሎ መሆኑንም የሩሲያ መከላለያ ሚኒስቴር አስታውቋል።

ከ200 በላይ የሽበር ቡድኑ ታጣቂዎች ከመገደላቸው በተጨማሪም ታጣቂዎቹ ሲጠቀሙባቸው የነበሩ በርካታ የጦር መሳራያዎች ማውደሙንም ሚኒስቴሩ አስታውቋል።

ሆኖም ግን ጥቃቱ መቼ ተፈፀመ ለሚለው ሚኒስቴሩ ምንም ያለው ነገር የለብ ተብሏል።

ምንጭ:- ኤፍ ቢ ሲ (FBC)

Advertisement