NEWS: በዛሬው ዕለት ከፓሪስ ከተማ ወጣ ብላ ከምትገኝ ሥፍራ የነበሩ የፈረሳይ ወታደሮችን ሆን ብሎ በተሽከርካሪ ለመጨፍለቅ የሞከረ አንድ ግለሰብ የፈረንሳይ ፖሊስ በቁጥጥር ስር ዋለ::

                                         

በዛሬው ዕለት ከፓሪስ ከተማ ወጣ ብላ ከምትገኝ ሥፍራ የነበሩ የፈረሳይ ወታደሮችን ሆን ብሎ በተሽከርካሪ ለመጨፍለቅ የሞከረ አንድ ግለሰብ የፈረንሳይ ፖሊስ ተኩሶ በቁጥጥር ስር ማዋሉን ባለሥልጣናት አስታወቁ።
ስድስት ሰዎች የቆሰሉበት ይህ ጥቃት የተፈፀመው ወታደሮቹ በሊቫልኦይስ ፔሬት ከሚገኘው የጦር ሠፈራቸው ወጥተው ለቅኝት ሥራ በመሰማራት ላይ እያሉ ነው።
ተጠርጣሪው ሰሜናዊ ፓሪስ ጥቃቱን ለመፈፀም ከተጠቀመባት ተሽከርካሪ ውስጥ ሳለ መያዙን ማንነታቸው እንዳይገለጥ የጠየቁ ምንጮች ተናግረዋል። 
“ጥቃቱ በተፈፀመባት እና እየፈለግና በነበረችው ተሽከርካሪ ሆኖ ሊያመልጥ በመሞከር ላይ ሳለ ነው፤ ፖሊስ ተኩሶ የያዘው” ሲሉ አስተያየት የተጠየቁ የሕግ አስፈፃሚ አካላት አስረድተዋል።
“ያለ ጥርጥር ድርጊቱ ሆን ተብሎ የተፈፀመ ነው፤” ያሉት ደግሞ የፓሪስ ከተማ ከንቲባ ፓትሪክ ባልካኒ ናቸው። “ተሽከርካሪው በመቆም ፋንታ ፍጥነቱን ጨምሮ ላያቸው ላይ የወጣው።” ሲሉም አክለዋል።
የዛሬው ጥቃት ዜና የተሰማው በጽንፈኛው እስላማዊ ቡድን የሽብር ሥራዎች አነቃቂነት በፖሊስና በወታደሮች ላይ የተነጣጠሩ በርካታ መሰል ጥቃቶችን የተከተለ ነው። 

 

ምንጭ:- ቪ ኦ ኤ(VOA)

 

Advertisement