NEWS: በሻምፒዮናው የሴቶች 1 ሺህ 500 ሜትር የፍጻሜ ውድድር ዛሬ ይደረጋል

                                       

በለንደን አዘጋጅነት እየተካሄደ የሚገኘው 16ኛው የአለም አትሌቲክሽ ሳምፒና ከተጀመረ ዛሬ አራተኛ ቀኑን ይዟል።

በዛሬው እለትም ኢትዮጵያውያን አትሌቶች የሚሳተፉበት አንድ የፍፃሜ ውድድር ይካሄዳል።

በዛሬው እለት የሚካሄደው የፍጻሜ ውድድርም የሴቶች 1 ሺህ 500 ሜትር ሲሆን፥ ከምሽቱ 5 ሰዓት ከ50 ላይ እንደሚካሄድ የወጣው መርሃ ግብር ያሳያል።

በውድድሩ ላይ አትሌት ገንዘቤ ዲባባ ኢትዮጵያን ወክላ ትሮጣለች።

በ16ኛው የዓለም አትሌቲክስ ሻምፒዮና ኢትዮጵያ እስካሁን 1 የወርቅ እና 2 የብር ሜዳሊያቀዎችን አግኝታለች።

ባሳለፍነው ቅዳሜ ምሽት በተካሄደው የሴቶች 10 ሺህ ሜትር ውድድር አልማዝ አያና ለኢትዮጵያ የመጀመሪያውን የወርቅ ሜዳሊያ ማግኘቷም ይታወሳል።

አትሌት ጥሩነሽ ዲባባ ውድድሩን በሁለተኝነት በማጠናቀቅ የብር ሜዳሊያ ለኢትዮጵያ አስገኝታለች።

በትናንትናው እለተ በተካሄደው የወንዶች የማራቶን ውደደርም አትሌት ታምራት ቶላ ውድድሩን በሁለተኝነት በማጠናቀቅ ለሀገሩ የብር ሜዳሊያ አስገኝቷል።

እስካሁን ባለው የሜዳሊያ ሰንጠረዥም አሜሪካ በ2 የወርቅ፣ 4 የብር እና 2 የነሃስ ሜዳሊያዎች በድምሩ በ8 ሜዳሊያዎች እየመራች ትገኛለች።

ኢትዮጵያ በ1 ወርቅ እና በሁለት የብር ሜዳሊያዎች በድምሩ በ3 ሜዳሊያዎች ሁለተኛ በመሆን አሜሪካን ትከተላለች።

ኬንያ በ1 የወርቅ፣ በ1 የብር እና በ2 የነሃስ ሜዳሊያዎች ሶስተኛ ደረጃ ላይ ተቀምጣለች።

እስካሁን በተደረገው ውድድርም 20 ሀገራት የሜዳሊያ ሰንጠረዥ ውስጥ መግባት ችለዋል።

                                                    

ምንጭ:- ኤፍ ቢ ሲ(FBC)

Advertisement