NEWS: ሞሮኮ በአፍሪካ ቀዳሚውን ሰማይ ጠቀስ ህንጻ ልትገነባ ነው::

                                                  

ሞሮኮ በአፍሪካ ረጅሙን ሰማይ ጠቀስ ህንጻ ልታስገነባ ነው ተብሏል።

ሰሜን አፍሪካዊቷ ሃገር ረጅሙን ሰማይ ጠቀስ ህንጻ ለማስገንባት ከቻይና ሬልዌይ ኮንስትራክሽን ኮርፖሬሽን ጋር ስምምነት ፈጽማለች።

በዋና ከተማዋ ራባት የሚገነባው ህንጻ ባለ 55 ወለል ሲሆን፥ 250 ሜትር ከፍታም አለው ነው የተባለው።

ህንጻው ከአካባቢ ስነ ምህዳር ጋር እንዲስማማ ሆኖ እንደሚገነባም መረጃዎች ይጠቁማሉ።

ህንጻው ሆቴሎች፣ ቢሮዎች እና ዘመናዊ መኖሪያዎችን ያካተተ እንደሚሆንም ተገልጿል።

ሰማይ ጠቀሱ ህንጻ መዲናዋ በምትገነባው ዘመናዊ መንደር የሚያርፍም ይሆናል።

ህንጻው የከተማዋን ባህላዊ ገጽታዎች በሚያስተዋውቅ መልኩ የሚገነባ ሲሆን፥ የራባት ቲያትር አዳራሽን ጨምሮ በርካታ ባህላዊ እሴቶችን ባስጠበቀ መልኩ ይከወናል።

ከዚህ ባለፈም አጠቃላይ የሞሮኮን የቆዩና ጥንታዊ መገለጫዎችን በሚያሳይ መልኩ ይገነባልም ነው የተባለው።

የህንጻው አጠቃላይ ወጪና ዝርዝር ጉዳዮችን የተመለከቱ መረጃዎች ግን እስካሁን አልወጡም።

 

ምንጭ:- ኤፍ ቢ ሲ(FBC)

 

 

 

Advertisement