የዛሬ የዕለተ ሰኞ ሐምሌ 17 ቀን 2009 የሸገር ወሬዎች::

                                                          

በየእለቱ ለሚደርሱ የትራፊክ አደጋ አንዱ ምክንያት መሆኑ የተነገረለት የመንጃ ፈቃድ አሰጣጥ በአዲስ ሊተካ ስራዎች እንዳለቁ ተሠማ፡፡ በቅርቡ ሥራ ይጀምራል ተብሏል፡፡ (አስፋው ስለሺ)

በመርካቶ የሚገኙ ሱቆች አብዛኛዎቹ ተዘግተዋል ምክንያቱ የቀን ገቢ ግምቱ ነው ተብሏል፡፡ የገቢዎችና ጉምሩክ ባለሥልጣን በበኩሉ የተወሰኑ ሱቆች በመክፈት ላይ ናቸው ብሏል፡፡ (ቴዎድሮስ ብርሃኑ)

በትግራይና በአማራ መንግሥታት የወሰን ማካለል አስመልክቶ የሚነሱ ጥያቄዎችን በአጭር ጊዜ መልስ እንዲያገኙ እንሰራለን ሲሉ የአገር ሽማግሌዎች ተናገሩ፡፡ (አስፋው ስለሺ)

በአቪየሽን ኢንዱስትሪው ዘርፍ ኢትዮጵያና ቻይና ሊተባበሩ ነው ተባለ፡፡ (ምሥክር አወል)

የአዲስ አበባ ቀይ መስቀል ማህበር ከሳውዲ ተመላሾች ድጋፍ እያደረገ ነው፡፡ (ወንድሙ ኃይሉ)

በአባይ ውሃ ጉዳይ በተለያዩ አመታት የተደረጉ ስምምነቶችን የኢትዮጵያ መንግሥታት በመቃወም ሲናገሩ የነበሩት ንግግር ለዛሬው ውጤት ዋናው መሠረት ነው ተባለ፡፡ (የኔነህ ሲሣይ)

ከ5 ሺ ካሬ ሜትር ቦታ በላይ የያዘ የንብረት ክምችት አላቸው ከተባሉ 108 የመንግሥት መሥሪያ ቤቶች መካከል በሽያጭ አስወግደው ለመንግሥት ገቢ ያደረጉ 48 ብቻ ናቸው ተባሉ፡፡ (ትዕግሥት ዘሪሁን)

ባለፈው በጀት ዓመት መንግሥት ጠበቃ ካቆመላቸው ተከሣሾች ወደ 380 የሚጠጉት መዝገባቸው ተዘግቶ በነፃ ተሰናብተዋል ተባለ፡፡ (ንጋቱ ረጋሣ)

የመከላከያ ሠራዊታቸውን ወደ ጁባ የላኩ የኢጋድ አባላት የመከላከያ ሚኒስትሮች ስብሰባ በአዲስ አበባ ተጀመረ፡፡ (የኔነህ ሲሣይ)

ምንጭ:- የሸገር FM 102.1 ሬዲዮ

 

Advertisement